બંગાળ પંચાયત ચૂંટણીને લઇ ફરી હિંસા, ભાજપ અને ટીએમસી વચ્ચે ટક્કર
પશ્ચિમ બંગાળ પંચાયત ચૂંટણીને લઈને ફરી એકવાર હિંસાના સમાચાર છે. બીડીઓ ઓફિસમાં ટીએમસી અને ભાજપના કાર્યકરો વચ્ચે ફરી એકવાર હિંસક અથડામણ જોવા મળી હતી. ઘટના સાહેબગંજ BDO ઓફિસની છે. જ્યાં ટીએમસી કાર્યકર્તાઓ અને બીજેપી કાર્યકર્તાઓએ એકબીજા પર કથિત રીતે હુમલો કર્યો હતો.
આ ઘટના શનિવારે (17 જૂન) ના રોજ બની હતી, જ્યારે ટીએમસી અને બીજેપી કાર્યકર્તાઓ ઉમેદવારી પત્રોની ચકાસણી દરમિયાન સામસામે આવી ગયા હતા. સાહેબગંજ BDO ઓફિસમાં ઉમેદવારી પત્રોની ચકાસણી દરમિયાન ટીએમસી અને બીજેપી કાર્યકર્તાઓ વચ્ચે ઘર્ષણ થયું.
ગયા અઠવાડિયે શનિવારે (9 જૂન) પણ બીજેપી અને ટીએમસીના કાર્યકરો વચ્ચે અથડામણની ઘટના પ્રકાશમાં આવી હતી. જ્યારે ઉત્તર 24 પરગણા જિલ્લામાં ભાજપ અને ટીએમસી સમર્થકો વચ્ચે અથડામણ થઈ હતી. જ્યારે ભાજપ અને ટીએમસી સમર્થકોએ એકબીજા પર પથ્થરો અને પેટ્રોલ બોમ્બ ફેંક્યા હતા.
અહેવાલો અનુસાર, પાર્ટીના કાર્યકરોએ હુમલામાં બંદૂકનો ઉપયોગ કર્યો હતો. આ હુમલા અંગે ભાજપે કહ્યું કે તૃણમૂલ કાર્યકર્તાઓએ સંદેશખાલી વિસ્તારમાં ભગવા પાર્ટીનો ઝંડો હટાવી દીધો હતો, જેનો ટીએમસી કાર્યકર્તાઓએ વિરોધ કર્યો હતો.
Click it and Unblock the Notifications
Sign in with Google
