કિરણ પટેલ મુદ્દે ફારૂક અબ્દુલ્લાનું નિવેદન સામે આવ્યુ, કહ્યું-જવાબદારો સામે કાર્યવાહી થાય
ફારૂક અબ્દુલ્લાએ સવાલો ઉઠાવ્યા અને કહ્યું કે, આ ખૂબ જ ગંભીર મામલો છે. જમ્મુ-કાશ્મીર એક સંવેદનશીલ વિસ્તાર છે. આવી ભૂલ કેવી રીતે થઈ શકે? L-G વહીવટીતંત્ર માટે આ એક મોટી શરમજનક બાબત છે.
નવી દિલ્હી : પીએઅઓના અધિકારીની ઓળખ આપીને ઝેડ પ્લસ સુરક્ષા સાથે વીઆઈપી સુવિધાઓ મેળવનારા કિરણ પટેલને લઈને રાજનીતિ તેજ થઈ ગઈ છે. હવે તમામ ઘટનાક્રમમાં વચ્ચે નેશનલ કોન્ફરન્સના નેતા ફારુક અબ્દુલ્લાનું નિવેદન સામે આવ્યુ છે. આ મુદ્દે વાત કરતા ફારૂક અબ્દુલ્લાએ સવાલો ઉઠાવ્યા અને કહ્યું કે, આ ખૂબ જ ગંભીર મામલો છે. જમ્મુ-કાશ્મીર એક સંવેદનશીલ વિસ્તાર છે. આવી ભૂલ કેવી રીતે થઈ શકે? L-G વહીવટીતંત્ર માટે આ એક મોટી શરમજનક બાબત છે.
અહીં ફારૂક અબ્દુલ્લાએ જવાબદારો સામે કાર્યવાહીની માંગ કરી અને કહ્યું કે, ઉપરાજ્યપાલના વહીવટીતંત્રે કિરણ પટેલને સુવિધાઓ આપતા પહેલા પુરી તપાસ કરવી જોઈતી હતી. ઉચ્ચ સ્તરીય તપાસના આદેશ આપવો જોઈએ. જવાબદારી નિશ્ચિત કરવી જોઈએ અને કૌનમેનને સુરક્ષા અને અન્ય સુવિધાઓ પ્રદાન કરનારા અધિકારીઓ સામે પગલાં લેવા જોઈએ.
અહીં તમને જણાવી દઈએ કે, શ્રીનગરમાં પોલીસે કિરણ પટેલ નામના એક વ્યક્તિની ધરપકડ કરી છે. આ કિરણ પટેલ પોતાને પીએમઓ ઓફિસર ગણાવીને વીઆઈપી સુરક્ષા લેતો હતો. કિરણ પટેલને કાશ્મીરની મુલાકાત દરમિયાન તેને ઝેડ પ્લસ સુરક્ષા મળી હતી. તે બુલેટપ્રૂફ વાહનોમાં ફરતો હતો. અધિકારીઓ સાથે ઘણી બેઠકો કરી હતી અને ફાઈવ સ્ટાર હોટલમાં રોકાયો હતો. આ સિવાય તે જમ્મુ-કાશ્મીરના લોકો સાથે છેતરપિંડી કરી પૈસા પણ વસૂલતો હતો. હવે તે પોલીસના હાથે ઝડપાયો છે.
Click it and Unblock the Notifications
Sign in with Google
