જમ્મુ કાશ્મીર વિધાનસાભા ચૂંટણીના એક્સિટ પોલના પરિણામ ક્યાં અને કેવી રીતે જોશો?
Jammu and Kashmir Exit Poll: જમ્મુ કાશ્મીર વિધાનસભા ચૂંટણી 2024 માટે ત્રણ તબક્કામાં મતદાન યોજાયું હતું. જેમાં 18 સપ્ટેમ્બર, 25 સપ્ટેમ્બર અને 1 ઓક્ટોબરના રોજ મતદાન થયું હતું. જેની મતગણતરી 8 ઓક્ટોબરના રોજ થશે.
આ પહેલા સૌની નજર એક્સિટ પોલ પર રહેશે. જમ્મુ કાશ્મીરની 90 બેઠકોમાંથી કોને કેટલી બેઠકો મળશે તેનું અનુમાન એક્સિટ પોલમાં આપવામાં આવે છે.
અત્રે ઉલ્લેખનીય બાબત છે કે, જમ્મી કાશ્મીરમાં 10 બાદ વિધાનસભા ચૂંટણી યોજાઈ હતી. જમ્મુ કાશ્મીરમાં છેલ્લે 2014માં વિધાનસભા ચૂંટણી યોજાઈ હતી.
ઉલ્લેખનીય છે કે, હરિયાણામાં 5 ઓક્ટોબરના રોજ મતદાન સમાપ્ત થયા બાદ હરિયાણા માટે એક્ઝિટ પોલની આગાહીઓ જાહેર કરવામાં આવશે.
નોંધનીય છે કે, હરિયાણામાં શનિવારે સાંજે 6 કલાકે મતદાન સમાપ્ત થશે. જમ્મુ-કાશ્મીર અને હરિયાણાના એક્ઝિટ પોલના પરિણામો આ પછી જ જાહેર થશે.
હરિયાણા અને જમ્મુ-કાશ્મીરના ચૂંટણી પરિણામો વિશે ઘણી ન્યૂઝ ચેનલો અને પોલસ્ટર્સ તેમની આગાહીઓ કરશે.
ભારતીય ચૂંટણી પંચ (ECI)ની માર્ગદર્શિકા અનુસાર, સમાચાર ચેનલો સાંજે 6:30 વાગ્યાથી એક્ઝિટ પોલની આગાહીઓ પ્રસારિત કરી શકે છે.
મતદારો કોઈપણ બાહ્ય પ્રભાવ વિના પોતાનો મત આપી શકે, તે માટે એક્ઝિટ પોલ સાંજે 6:30 વાગ્યા બાદ જાહેર કરવામાં આવે છે.
ભારતીય ચૂંટણી પંચ (ECI) ની માર્ગદર્શિકા અનુસાર, લોક પ્રતિનિધિત્વ અધિનિયમ, 1951 ની કલમ 126 A હેઠળ, મતદાનની શરૂઆતથી મતદાન સમાપ્ત થયાના અડધા કલાક સુધી એક્ઝિટ પોલના પરિણામોના પ્રકાશન અથવા પ્રસાર પર પ્રતિબંધ છે.
Click it and Unblock the Notifications
Sign in with Google
