લવ મેરેજના 13 દિવસ પછી બીજા છોકરા સાથે ભાગી ગઇ યુવતી
યુપીના મૈનપુરીમાં લવ મેરેજ થયાના માત્ર 13 દિવસ બાદ પત્ની બનેલી ગર્લફ્રેન્ડ પતિને છોડીને બીજા યુવક સાથે ભાગી ગઈ હતી. બે દિવસ શોધખોળ કર્યા બાદ પતિ પોલીસ મથકે પહોંચ્યો હતો.
યુપીના મૈનપુરીમાં લવ મેરેજ થયાના માત્ર 13 દિવસ બાદ પત્ની બનેલી ગર્લફ્રેન્ડ પતિને છોડીને બીજા યુવક સાથે ભાગી ગઈ હતી. બે દિવસ શોધખોળ કર્યા બાદ પતિ પોલીસ મથકે પહોંચ્યો હતો.
પરિવારની વિરૂદ્ધ જઇને કર્યા હતા લગ્ન
આ મામલો મૈનપુરી પોલીસ સ્ટેશનના બાર્નાહલ વિસ્તારનો છે. 16 નવેમ્બરના રોજ, યુવતીએ તેના પરિવારની વિરૂદ્ધ જઇને પડોશના એક યુવાન સાથે લગ્ન કર્યા હતા. યુવાન તેની નવી જિંદગી માટે પણ ખુશ હતો અને ઘણા સપના પણ જોતો હતો.
પત્ની બીજા યુવાન સાથે ભાગી ગઈ હતી
બધું બરાબર ચાલતું હતું. તે દરમિયાન આ યુવક ફઇના ઘરે લગ્ન સમારોહમાં ભાગ લેવા સિરસાગંજ જઇ રહ્યો હતો. તે લગ્ન સમારોહમાં ભાગ લેવા પત્નીને ઘરે મૂકી ગયો હતો. પરત ફરતી વખતે પત્ની ઘરે મળી નહોતી. જ્યારે યુવકે પૂછપરછ કરતાં જાણવા મળ્યું કે તેની પત્ની નજીકના ગામના એક યુવાન સાથે ચાલી ગઈ છે. તેણે પત્નીની શોધ શરૂ કરી, પરંતુ તે ક્યાંય મળી ન હતી.
પીડિત યુવકે કરી પોલીસ ફરીયાદ
યુવકે બે દિવસ સુધી તેની પત્નીની શોધ કરી હતી, પણ તે મળી નહીં. આ પછી તે પોલીસ મથકે પહોંચ્યો હતો અને તેની પત્નીને ભગાડી જનાર યુવક વિરૂદ્ધ ફરિયાદ નોંધાવી હતી. પોલીસ કહે છે કે આ કેસની તપાસ કરવામાં આવી રહી છે.