સોનિયા વિરૂદ્ધ ચૂંટણી લડી શકે છે શાજિયા ઇલ્મી!
નવી દિલ્હી, 18 ફેબ્રુઆરી: કોંગ્રેસ ઉપાધ્યક્ષ રાહુલ ગાંધી વિરૂદ્ધ કુમાર વિશ્વાસની ઉમેદવારી જાહેર કર્યા બાદ, અટકળો છે કે આમ આદમી પાર્ટી આગામી લોકસભા ચૂંટણીમાં કોંગ્રેસ અધ્યક્ષ સોનિયા ગાંધી વિરૂદ્ધ શાજિયા ઇલ્મીને મેદાનમાં ઉતારી શકે છે.
જો કે પાર્ટીએ આ સમાચારની પુષ્ટિ કરી નથી. પાર્ટી પ્રવક્તા દિલીપ પાંડેએ કહ્યું હતું કે અમે અમારા ઉમેદવારો પર હજી કોઇ અંતિમ નિર્ણય કર્યો નથી. પાર્ટી નેતા અને રાષ્ટ્રીય કાર્યકારિણી સમિતિની સભ્ય શાજિયા ઇલ્મી ગત વર્ષે આરકે પુરમ સીટ પરથી વિધાનસભાની ચૂંટણી લડી ચૂકી છે પરંતુ તે ઓછા અંતરથી હારી ગઇ હતી.
માનવામાં આવે છે કે શાજિયા ઇલ્મીએ દક્ષિણ દિલ્હી અથવા કેન્દ્રિય મંત્રી સલમાન ખુર્શીદ વિરૂદ્ધ ફરૂર્ખાબાદથી ચૂંટણી લડવાની ઇચ્છા વ્યક્ત કરી હતી. પરંતુ પાર્ટીએ ખુર્શીદ વિરૂદ્ધ લખનઉના પૂર્વ પત્રકાર મુકુલ ત્રિપાઠીની ઉમેદવારી જાહેરાત કરી છે. સૂત્રોએ કહ્યું હતું કે પાર્ટી ઇચ્છે છે કે રાયબરેલીથી કોંગ્રેસ અધ્યક્ષને ટક્કર આપવા માટે કોઇ ચર્ચિત ચહેરાને ઉતારવામાં આવે.
પાર્ટીના એક સૂત્રએ જણાવ્યું હતું કે દિલ્હીમાં અમારે કોઇ નામની જરૂરિયાત નથી કારણ કે અમારી પાસે અહીં સમર્થક છે. જો કે જ્યારે અમે સોનિયા ગાંધી જેવા મજબૂત ઉમેદવાર વિરૂદ્ધ ઉમેદવાર ઉતારી રહ્યાં હોય અમને ચર્ચિત ચહેરાની જરૂરિયાત છે.
Click it and Unblock the Notifications
Sign in with Google
