દિલ્લી મતદાન પહેલા મહિલા સબ ઈન્સ્પેક્ટરની હત્યા, મેટ્રો સ્ટેશન પાસે ફાયરિંગ

દેશની રાજધીનીના રોહિણી વિસ્તારમાં શુક્રવારની રાતે લગભગ 9.30 વાગે એક મહિલા સબ ઈન્સ્પકેટરની ગોળી મારીને હત્યા કરી દેવામાં આવી છે.

Updated: Saturday, February 8, 2020, 8:28 [IST]

દેશની રાજધીનીના રોહિણી વિસ્તારમાં શુક્રવારની રાતે લગભગ 9.30 વાગે એક મહિલા સબ ઈન્સ્પકેટરની ગોળી મારીને હત્યા કરી દેવામાં આવી છે. મહિલા સબ ઈન્સ્પેક્ટરનુ નામ પ્રીતિ અહલાવત હતુ જેના પર એક યુવકે ગોળી ચલાવી. પ્રીતિ પૂર્વ દિલ્લીના પડપટગંજ ઈન્ડસ્ટ્રીયલ એરિયામાં તૈનાત હતી. તમને જણાવી દઈએ કે દિલ્લીમાં આજે મતદાન છે. એવામાં સુરક્ષાનો પૂરતો બંદોબસ્ત કરવામાં આવ્યો પરંતુ દિલ્લીમાં મતદાન પહેલા જ મહિલા એસઆઈની હત્યાથી લોકો ચોંકી ગયા છે.

માહિતી મુજબ પ્રીતિ કાલે રાતના સમયે પોતાની ફરજ પૂરી કર્યા બાદ મેટ્રોથી પૂર્વ રોહિણી મેટ્રો સ્ટેશન પહોંચી અને પછી ચાલીને પોતાના ઘર તરફ જઈ રહી હતી અને ત્યારે પાછળથી એક યુવક આવ્યો અને તેણે અચાનક પ્રીતિ પર ત્રણ રાઉન્ડ ગોળીઓ ચલાવી દીધી. પ્રીતીને બે ગોળી વાગી જ્યારે એક બાજુમાં જઈ રહેલી કારના પાછળના ભાગમાં ગઈ. પ્રીતિને એક ગોળી માથામાં વાગી ત્યારબાદ તે પડી ગઈ અને ઘટના સ્થળે જ તેણે દમ તોડી દીધો. ગોળી ચલાવનાર હુમલાખોર ભાગી ગયો છે.

પ્રીતિ અહલાવત વર્ષ 2018માં દિલ્લી પોલિસમાં ભરતી થઈ હતી. ઘટના સ્થળે પોલિસે શબને કબ્જામાં લઈને પોસ્ટમોર્ટમ માટે મોકલી દીધુ છે. કહેવાઈ રહ્યુ છે કે પ્રીતિ કોઈ રેપ કેસની તપાસ કરી રહી હતી, તેમાં તેને ધમકીઓ મળી રહી હતી. તમને જણાવી દઈએ કે પડપટગંજ ઈન્ડસ્ટ્રીયલ એરિયા પોલિસ સ્ટેશનમાં તૈનાત એસઆઈ પ્રીતિ અહલાવત વર્ષ 2018માં જ દિલ્લી પોલિસમાં ભરતી થઈ હતી. હાલમાં પોલિસે સીસીટીવી ફૂટેજ મેળવી લીધા છે. ઘટના સ્થળેથી ત્રણ ખાલી કારતૂસ જપ્ત કરવામાં આવ્યા છે. પોલિસે કેસ નોંધી લીધો છે.