કાર્યાલયો માટે આરોગ્ય મંત્રાલયની નવી ગાઈડલાઈન, 1-2 કેસ માટે ઑફિસ બંધ કરવાની જરૂર નહિ

દેશમાં કોરોના સંક્રમિત દર્દીઓનો આંકડો એક લાખને પાર થઈ ગયો છે. આ દરમિયાન કાલથી દેશમાં લૉકડાઉનનો ચોથો તબક્કો પણ શરૂ થઈ ગયો જે 31 મે સુધી ચાલશે. જે હેઠળ સરકારે લોકોને ઘણા પ્રકારની છૂટ આપી છે. આ દરમિયાન ઑફિસો અને વર્કપ્લેસ માટે કેન્દ્ર સરકાર તરફથી લેટેસ્ટ ગાઈડલાઈન જારી કરવામાં આવી છે. આ સાથે સાથે કેન્દ્ર સરકારે રાજ્યોને રેડ, ઓરેન્જ અને ગ્રીન ઝોન ખુદ નિર્ધારિત કરવાની પણ છૂટ આપી દીધી છે.

આરોગ્ય મંત્રાલય તરફથી મંગળવારે જારી કરાઈ ગાઈડલાઈન

• કોઈ પણ કાર્યાલયમાં કોવિડ-19ના એક કે બે કેસ સામે આવવા પર આખી બિલ્ડિંગને બંધ કરવાની જરૂર નથી.
• દર્દી 48 કલાકમાં જ્યાં જ્યાં ગયો હશે, એ જગ્યાઓને ડિસઈન્ફેન્ફેક્ટ કરવામાં આવશે.
• દિશાનિર્દેશો હેઠળ કાર્યાલયને સંક્રમણમુક્ત કરી લીધા બાદ કામને ફરીથી ચાલુ કરવામાં આવી શકે છે.
• મોટા સ્તરે કેસ સામે આવવા પર આખી બિલ્ડિંગને 48 કલાક માટે બંધ કરી દેવામાં આવશે.
• ઈમારતને સંક્રમણ મુક્ત બનાવવા અને ફરીથી તેમાં કામ ચાલુ કરવા માટે યોગ્ય ઘોષિત કરાવા સુધી કર્મચારી ઘરેથી કામ કરશે.

ઑફિસમાં આ વાતોનુ ધ્યાન રાખવુ પડશે

• કાર્યાલયોમાં કામ કરનારા લોકો વચ્ચે ઓછામાં ઓછુ એક મીટરનુ અંતર રાખવુ જરૂરી હશે.
• વર્કિંગ અવર દરમિયાન કર્મચારીઓએ ફેસ કવર કે માસ્ક લગાવવુ અનિવાર્ય હશે.
• થોડા થોડા સમયે કર્મચારીઓને સાબુથી હાથ ધોવા માટે પ્રેરિત કરવાના રહેશે.
• ઓછામાં ઓછી 20 સેકન્ડ સુધી આલ્કોહોલ બેઝ્ડ સેનિટાઈઝર્સનો ઉપયોગ કરવાનો રહેશે.
• ખાંસતી-છીંકતી વખતે એટીકેટ્સનુ ધ્યાન રાખવાનુ રહેશે.
• બધાએ પોતાની તબિયતનુ ધ્યાન જાતે રાખવાનુ રહેશે, તબિયતમાં જરા પણ ગરબડ લાગે તો તરત જ સંસ્થાને સૂચિત કરવુ પડશે.
• ઑફિસ જતી વખતે સાવચેતી રાખવી, સાર્વજનિક જગ્યાએ વસ્તુઓને સ્પર્શવાથી બચો.

મદદ માટે 1075 હેલ્પલાઈન પર કરો સંપર્ક

• જો સ્ટાફના કોઈ પણ વ્યક્તિને ફ્લૂ જેવા લક્ષણ હોય તો તેને ઑફિસમાં ન બોલાવવા અને સ્થાનિક પ્રશાસનની સલાહ લેવી.
• જો કોઈ સ્ટાફ કન્ટેનમેન્ટ ઝોનમાં રહેતા હોય અને હોમ ક્વૉરંટાઈનમાં રહેવા ઈચ્છતા હોય તો સંસ્થાએ તેને એ મંજૂરી આપવી પડશે.
• જો એક જ ઑફિસમાં કામ કરતા કોઈ વ્યક્તિમાં કોરોના જેવા લક્ષણ દેખાય તો તેે વર્ક પ્લેસ પર કોઈ એક રૂમમાં બીજાથી આઈસોલેટ કરી દો અને તરત જ ડૉક્ટરને તપાસ માટે બોલાવો.
• તરત જ આની સૂચના 1075 હેલ્પલાઈન પર આપો.

English summary

workplace guidelines No need to shut entire office if 1 or 2 coronavirus cases found Health Ministry