World Cup 2023: કોણ બનાવશે સદી, બાખડ્યા પતિ-પત્ની, સાસુ અને સસરા બન્યા અમ્પાયર
World Cup 2023: સમગ્ર દુનિયાની નજર રવિવારના રોજ ફક્ત ક્રિકેટ વિશ્વ કપ 2023ની ફાઈનલ મેચ પર ટકેલી છે. ઓસ્ટ્રેલિયાની સામેની મેચમાં ભારત જીતની આશા લોકો લગાવી રહ્યા છે. આ સાથે તમામ લોકો ટીવી સામે બેસીને મેચનો આનંદ લઇ રહ્યા છે. આ વચ્ચે ઘણા અજીબોગરીબ કિસ્સાઓ સામે આવી રહ્યા છે.
મધ્યપ્રદેશના પ્રદેશમાં જ્યાં બુંદેલખંડી બોલી મધુરતાથી ભરપૂર છે, ત્યાં પણ ફાઈનલ મેચનો ફિવર ચરમસીમાએ છે. મહાકોશલ ક્ષેત્રના જબલપુરના એક વિસ્તારમાં મેચને લઈને પતિ-પત્ની વચ્ચે ઉગ્ર બોલાચાલી થઈ હતી. મામલો એટલો વધી ગયો કે, સાસુ અને સસરાએ દરમિયાનગીરી કરવી પડી અને જે બાદ પતિ-પત્ની અલગ-અલગ રૂમમાં મેચ જોઈ રહ્યાં છે.
કટાંગી બાયપાસ પાસેના સ્ટાર સિટીના આ રસપ્રદ સમાચાર છે. જ્યાં રાજપૂત પરિવારમાં મેચ શરૂ થતા પહેલા સવારથી જ પતિ-પત્ની વચ્ચે હરીફાઈ શરૂ થઈ ગઈ હતી. નામ ન આપવાની શરતે સસરાએ જણાવ્યું કે, તેમનો પુત્ર જળ સંસાધન વિભાગમાં નોકરી કરે છે.
ક્રિકેટ પ્રેમી પુત્ર સવારે ઉઠ્યો, ત્યારે તેણે પુત્રવધૂને ગરમ ચા બનાવવા કહ્યું. તેણે તેની પત્નીને બૂમ પાડી કે, મેચના ટોસ પહેલા તમામ કામ પતાવી લો, પછી તે કોઈપણ કામ કરશે નહીં. પતિએ આટલું કહેતાં જ પત્ની ગુસ્સે થઈ ગઈ હતી.
પહેલા સદી પછી ચા - પતિની ચાની માંગણીને બાજુ પર રાખીને પત્નીએ હોબાળો મચાવ્યો હતો. તે કહેવા લાગી કે ક્રિકેટની ફાઈનલ મેચ તમે જ જોશો? ફક્ત તમારા માટે, ભારતની ટીમ ફાઇનલમાં પહોંચી છે? પતિની વાત પર પ્રહાર કરતાં પત્નીએ સવારે પતિને સ્પષ્ટ કહી દીધું કે, જ્યાં સુધી રોહિત શર્મા કે વિરાટ કોહલી સદી નહીં બનાવે, ત્યાં સુધી તેને આજે ચા પણ નહીં મળે.
સાસુ અને સસરા બન્યા અમ્પાયર! - પત્નીએ એટલું કહ્યા બાદ, પતિએ પણ આખું ઘર પોતાના માથે લીધું. આજુબાજુના લોકોએ પણ ધમાલ સાંભળી હતી. જે બાદ આ વાતો સોશિયલ મીડિયા પર વાયરલ થઈ રહી છે.
લોકોએ કહ્યું કે, જે ઘરમાંથી ક્યારેય કોઈ અવાજ નથી આવતો તેના અવાજ પરથી સમજાઈ ગયું કે આજે ક્રિકેટ વર્લ્ડ કપમાં ભારતની મેચ છે. રાજપૂત પરિવારમાં પતિ-પત્ની વચ્ચેની આ લડાઈમાં હવે સાસુ-સસરા અમ્પાયરની ભૂમિકા ભજવવામાં વ્યસ્ત છે.
ફાઈનલ મેચ બાબતે ઝઘડો થતા પતિ-પત્નીને સાસુ-સસરા દ્વારા અલગ-અલગ રૂમમાં મેચ જોવાની વ્યવસ્થા કરવામાં આવી છે. ચા હોય, નાસ્તો હોય કે અન્ય મનપસંદ વાનગીઓ હોય બંનેની માંગણીઓ પૂરી કરવાની વ્યવસ્થા પણ કરવામાં આવી છે.
Click it and Unblock the Notifications
Sign in with Google
