ધુમ્મસ અને કોલ્ડવેવથી પરેશાન દેશનું 'દિલ', પ્રદૂષણ પણ ચરમસીમા

દિલ્હી હાલમાં ઠંડીથી ધ્રૂજી રહ્યું છે. આજે પણ દિલ્હી ધુમ્મસ અને શીત લહેરની લપેટમાં છે, જ્યારે દિલ્હીનું લઘુત્તમ તાપમાન સતત બીજા દિવસે મંગળવારના રોજ 4 ડિગ્રીએ પહોંચ્યું હતું.

Published: Wednesday, December 22, 2021, 10:22 [IST]

નવી દિલ્હી : બુધવારના રોજ પણ દિલ્હીની હવાની ગુણવત્તા ઘણી ખરાબ છે. આજે પણ રાજધાનીનો AQI 385 છે, જે અત્યંત નબળી શ્રેણીમાં આવે છે. દિલ્હી હાલમાં ઠંડીથી ધ્રૂજી રહ્યું છે. આજે પણ દિલ્હી ધુમ્મસ અને શીત લહેરની લપેટમાં છે, જ્યારે દિલ્હીનું લઘુત્તમ તાપમાન સતત બીજા દિવસે મંગળવારના રોજ 4 ડિગ્રીએ પહોંચ્યું હતું. હવામાન વિભાગે આજે પણ દિલ્હીમાં લઘુત્તમ તાપમાન 5 ડિગ્રી રહેવાની આગાહી કરી છે, જ્યારે મહત્તમ તાપમાન 23 ડિગ્રીની આસપાસ રહી શકે છે.

હિમવર્ષાને કારણે ઠંડીમાં વધારો

હવામાન વિભાગે પહેલેથી જ અહીં યલો એલર્ટ જાહેર કરી દીધું છે. IMDનું કહેવું છે કે, પર્વતો પર હિમવર્ષા અને સક્રિય પશ્ચિમી વિક્ષેપના કારણે દિલ્હીમાં શિયાળોવધ્યો છે.

આ સમયે શ્રીનગર અને લદ્દાખમાં તાપમાન માઈનસ ડિગ્રીએ પહોંચી ગયું છે, જ્યારે હિમાચલ અને ઉત્તરાખંડમાં હિમવર્ષાને કારણે મેદાની વિસ્તારોમાં ઠંડીવધી ગઈ છે.