રાજકોટમાં સેલ્ફી લેવા દરમિયાન વંદે ભારત ટ્રેનની અડફેટે બે યુવાનોના મોત

રાજકોટની ગોંડલ ચોકડી પાસે એક અત્યંત હૃદયદ્રાવક અકસ્માત સર્જાયો છે. વંદે ભારત ટ્રેન સાથે સેલ્ફી લેવાના ચક્કરમાં ત્રણ યુવાનો ટ્રેનની અડફેટે આવી ગયા હતા.

આ ભયાનક દુર્ઘટનામાં એક યુવકનું ઘટનાસ્થળે જ મોત નીપજ્યું હતું. જ્યારે અન્ય એક યુવકે સિવિલ હોસ્પિટલમાં સારવાર દરમિયાન પોતાનો દમ તોડ્યો હતો.

અકસ્માતમાં ગંભીર રીતે ઘાયલ ત્રીજા યુવકની હાલ હોસ્પિટલમાં સારવાર ચાલી રહી છે. મળતી માહિતી મુજબ, આ તમામ યુવાનો પરપ્રાંતીય શ્રમિકો હોવાનું જાણવા મળ્યું છે.

મૃતક યુવાનોમાં ૨૦ વર્ષીય સંદીપ પટેલ અને ૨૩ વર્ષીય સંદીપ કોળીનો સમાવેશ થાય છે. જ્યારે કપિલ પટેલ નામનો યુવક હાલ હોસ્પિટલમાં જિંદગી અને મોત વચ્ચે ઝોલા ખાઈ રહ્યો છે.

ઘટના સમયે કુલ ચાર મિત્રો રેલવે ટ્રેક પાસે હાજર હતા. તેઓ પૈકી એક મિત્રને વતન જતી વખતે વિદાય આપવા માટે તમામ ટ્રેક પર એકઠા થયા હતા.

આ મિત્રો રેલવે ટ્રેક પર ઉભા રહીને રીલ્સ અને સેલ્ફી લઈ રહ્યા હતા. તે દરમિયાન પૂરપાટ ઝડપે આવતી વંદે ભારત ટ્રેનની અડફેટે તેઓ આવી ગયા હતા.

સદનસીબે ચાર મિત્રોમાંથી એકનો આ અકસ્માતમાં ચમત્કારિક બચાવ થયો હતો. ટ્રેનની સ્પીડ એટલી વધારે હતી કે યુવાનોને બચવાની કોઈ તક મળી ન હતી.

રેલવે પોલીસ અને સ્થાનિક પોલીસની ટીમે ઘટનાસ્થળે પહોંચી તપાસ શરૂ કરી છે. પ્રાથમિક તપાસમાં સેલ્ફી લેવાના શોખે જીવ લીધો હોય તેવું સ્પષ્ટ દેખાય રહ્યું છે.

પોલીસ હાલમાં આ અકસ્માત છે કે આત્મહત્યા તે દિશામાં પણ તપાસ કરી રહી છે. આ ઘટનાએ સોશિયલ મીડિયાના જોખમી ક્રેઝ સામે લાલબત્તી ધરી દીધી છે.

English summary

Three youths were photographed on railway tracks near Gondal Junction, Rajkot, as a Vande Bharat train approached. Two died at the scene, a third died in hospital; a fourth friend survived. Authorities are examining whether the incident involved selfie taking or intentional risk, with a broader look at rail safety and youth behaviour.