લેન્ડ ગ્રેબીન્ગ કમિટી સમક્ષ મૂકાયેલા 27 કેસમાંથી ૩માં FIR દાખલ કરવાનો નિર્ણય લેવાયો
ગુજરાત લેન્ડ ગ્રેબીન્ગ એક્ટ 2020 અન્વયે રજૂ થયેલી અરજીઓ બાબતે નિર્ણય લેવા માટે ગુરૂવારના રોજ કલેક્ટર કચેરીના સભાખંડમાં યોજાયેલી આ બેઠકમાં તપાસનીશ અધિકારીઓએ તપાસ કરીને અહેવાલ રજૂ કર્યો હતો.
રાજકોટ જિલ્લા કલેકટર અરુણ મહેશ બાબુના અધ્યક્ષસ્થાને જિલ્લા લેન્ડ ગ્રેબિન્ગ કમિટીની બેઠક યોજાઇ હતી. આ બેઠકમાં રજૂ કરવામાં આવેલા 27 કેસમાંથી 3 કેસમાં સંબંધિતો લોકો સામે FIR દાખલ કરવાનો નિર્ણય કરવામાં આવ્યો છે.
ગુજરાત લેન્ડ ગ્રેબીન્ગ એક્ટ 2020 અન્વયે રજૂ થયેલી અરજીઓ બાબતે નિર્ણય લેવા માટે ગુરૂવારના રોજ કલેક્ટર કચેરીના સભાખંડમાં યોજાયેલી આ બેઠકમાં તપાસનીશ અધિકારીઓએ તપાસ કરીને અહેવાલ રજૂ કર્યો હતો. જે મુજબ સમિતિ સમક્ષ રજૂ કરાયેલા કુલ 27 કેસમાંથી 19 કેસ દફતરે કરવામાં આવ્યા હતા. આ સાથે પાંચ કેસ પેન્ડિંગ રાખવામાં આવ્યા હતા.
આ બેઠકમાં ગ્રામ્ય પોલીસ અધિક્ષક બલરામ મીના, નિવાસી અધિક કલેકટર કેતન ઠક્કર, ACP એસ. આર. ટંડેલ, પ્રાંત અધિકારીઓ સર્વ જી. વી. મિયાણી, રાજેશ આલ, પારસ વંડા, પ્રિયંક ગલચર, વીરેન્દ્ર દેસાઈ, પૂજા જટણીયા અને સિદ્ધાર્થ ગઢવી, પ્રાદેશિક વાહન વ્યવહાર અધિકારી પી. બી. લાઠીયા, ડીવાય. એસ.પી. રાકેશ દેસાઇ તથા સંબંધિત સરકારી વિભાગોના અધિકારીઓ ઉપસ્થિત રહ્યા હતા.
Click it and Unblock the Notifications
Sign in with Google
