કચ્છના સ્ટ્રોંગરૂમમાં થયેલી ચોરીનું રહસ્ય અકબંધ, પોલીસ નિષ્ફળ
કચ્છના અંજાર શહેરમાં ચોરોએ સરકારી સ્ટ્રોંગરૂમમાં ઘૂસીને રોકડ અને ઘરેણાંની ચોરી કર્યાના ત્રણ અઠવાડિયા બાદ પણ પોલીસ આ અત્યંત સુરક્ષિત રૂમમાં ચોરી કોણે કરી તે અંગે સંપૂર્ણ અજાણ છે.
રાજકોટ : કચ્છના અંજાર શહેરમાં ચોરોએ સરકારી સ્ટ્રોંગરૂમમાં ઘૂસીને રોકડ અને ઘરેણાંની ચોરી કર્યાના ત્રણ અઠવાડિયા બાદ પણ પોલીસ આ અત્યંત સુરક્ષિત રૂમમાં ચોરી કોણે કરી તે અંગે સંપૂર્ણ અજાણ છે.
ચોરોએ માસ્ટરકીનો ઉપયોગ કરીને સ્ટ્રોંગ-રૂમના બે તાળા ખોલ્યા
4 ઓગસ્ટના રોજ ચોરોએ માસ્ટરકીનો ઉપયોગ કરીને સ્ટ્રોંગ-રૂમના બે તાળા ખોલ્યા હતા, જે બંન્નેનું વજન પાંચ-પાંચ કિલોનું હતું. જે બાદ 23.56 લાખ રૂપિયા રોકડા અને અન્ય 136 તોલા ચાંદીના દાગીના ધરાવતું બોક્સ તોડી નાખ્યું હતું.
ચાંદીની ચોરી તે જ રાત્રે થઈ હતી
સ્થાનિક પ્રાદેશિક પરિવહન કચેરી (આરટીઓ) દ્વારા રોકડ જમા કરવામાં આવી હતી, જ્યારે 4 ઓગસ્ટની સાંજે મામલતદાર કચેરી દ્વારા એક કિલો ચાંદી જમા કરવામાં આવી હતી. આ ચાંદીની ચોરી તે જ રાત્રે થઈ હતી.
અંજારના નાયબ પોલીસ અધિક્ષક મુકેશ ચૌધરીએ જણાવ્યું હતું કે, આ ઘટનાની તપાસ ચાલુ છે, પરંતુ અમને હજૂ સુધી કોઈ કડી મળી નથી.
સીલ તોડીને ચાંદીના બોક્સ ખોલવામાં આવ્યા
મુકેશ ચૌધરીએ જણાવ્યું હતું કે, એસડીએમ ઓફિસની પાછળ એક અલગ જગ્યાએ સ્થિત સ્ટ્રોંગરૂમની રક્ષા કરતા ત્રણ લોકો વિરુદ્ધ વિભાગીય તપાસ પહેલાથી જ શરૂ કરવામાં આવી છે. ડુપ્લિકેટ ચાવીનો ઉપયોગ કરીને રોકડ રકમ ધરાવતું બોક્સ પણ ખોલવામાં આવ્યું હતું, જ્યારે સીલ તોડીને ચાંદીના બોક્સ ખોલવામાં આવ્યા હતા.
ચોરોએ તેમની સાથેના બે ભારે તાળા પણ ટ્રોફી તરીકે ઉઠાવી લીધા
સરકારી તિજોરી કચેરીઓના સ્ટ્રોંગરૂમ ચોરીઓથી સૌથી સુરક્ષિત માનવામાં આવે છે, પરંતુ કચ્છ જિલ્લાના અંજાર શહેરમાં આવા જ એક રૂમમાંથી રોકડ અને ઘરેણાંની ચોરી કરવામાં સફળ રહેલા ચોરોએ તેમની સાથેના બે ભારે તાળા પણ ટ્રોફી તરીકે ઉઠાવી લીધા હતા!
સ્ટ્રોંગ-રૂમમાં સીસીટીવી કેમેરા નથી
ટ્રેઝરી ઓફિસર દર્શના વૈધ અને સિનિયર ક્લાર્ક અમૃતલાલ બાંભણિયાએ 4 ઓગસ્ટના રોજ સાંજે 5:10 કલાકે ઘરે જતા પહેલા રૂમને તાળું મારી દીધું હતું. વૈધ અને બાંભણીયા પાસે બે તાળાઓની એક-એક ચાવી છે. વૈધને બીજા દિવસે સવારે ચોરીની ખબર પડી હતી. સંજોગોવશાત્ સ્ટ્રોંગ-રૂમમાં સીસીટીવી કેમેરા નથી.
ચોરો હજૂ પણ પોલીસ પકડથી દૂર
પ્રક્રિયા મુજબ આરટીઓ દરરોજ તિજોરી કચેરીમાં દંડ તરીકે વસૂલેલી રોકડ જમા કરાવે છે અને બીજા દિવસે રોકડ બેંકમાં જમા કરવામાં આવે છે. ફોરેન્સિક નિષ્ણાતો, ડોગ સ્કવોડ અને અન્ય એજન્સીઓની મદદ કરવા છતાં પણ ચોરો હજૂ પણ પોલીસ પકડથી દૂર છે.
Click it and Unblock the Notifications
Sign in with Google
