કેદારનાથ માટે હેપિકોપ્ટર બુકિંગ કરાવવા મુદ્દે વેપારી સાથે 70 હજારની છેત્તરપીંડી!

સુરતના ડુમસ ગામમાં રહેતા એક ઝીંગા તળાવના માલિક સાથે છેત્તરપિંડીની ઘટના સામે આવી છે. પોતાના મિત્ર અને સંબંધીઓ માટે કેદારનાથ માટે હેલિકોપ્ટરના ઓનલાઈન બુકિંગ કરાવવા મુદ્દે ઝીંગા તળાવના માલિકને 70 હજારનું નુકસાન થયું છે.

સુરત : સુરતના ડુમસ ગામમાં રહેતા એક ઝીંગા તળાવના માલિક સાથે છેત્તરપિંડીની ઘટના સામે આવી છે. પોતાના મિત્ર અને સંબંધીઓ માટે કેદારનાથ માટે હેલિકોપ્ટરના ઓનલાઈન બુકિંગ કરાવવા મુદ્દે ઝીંગા તળાવના માલિકને 70 હજારનું નુકસાન થયું છે. આ સાયબર ક્રાઈમની ફરિયાદ પોલીસમાં નોંધાઈ છે. કેદારનાથ માટે હેલિકોપ્ટર બુક કરવાની આશાએ ગૂગલ પર સર્ચ કરતાં યુવકને એક વેબસાઈટની લિંક મળી. આના પર ક્લિક કરતા જ એક વોટ્સએપ નંબર ખુલ્યો જેના પર ડાયરેક્ટ મેસેજ દ્વારા ટિકિટ બુક કરાવવાની વાત હતી. આ પછી ઠગોએ 15 લોકોને નકલી ટિકિટ મોકલી અને ટિકિટની કિંમત સાથે વીમા માટે 37 હજાર રૂપિયા જમા કરાવવા કહ્યું.

પોલીસ સૂત્રો પાસેથી મળતી માહિતી અનુસાર, સુરત નજીકના ડુમસ ગામમાં આશાપુરા મંદિર પાછળ વડવા ફળિયામાં રહેતા અને કેડિયા બેટમાં આવેલા ઝીંગા તળાવના માલિક 38 વર્ષીય કેનેડી જયંતિભાઈ પટેલ 29 મેના રોજ ઘરે હાજર હતા. કેદારનાથ ગયેલા ગામના મિત્ર રસિક મોહનભાઈ ખલાસીએ તેમને ફોન કરીને જણાવ્યું કે ત્યાં હવામાન ખરાબ છે અને કેદારનાથ જવા માટે હેલિકોપ્ટર સિવાય બીજી કોઈ સુવિધા નથી.

કેનેડીએ તેમના અને તેમના સંબંધીઓ માટે 15 ટિકિટ બુક કરાવી. આ સાથે કેનેડીએ ગૂગલમાં સર્ચ કરીને એક વેબસાઈટ ખોલી અને તેમાં એક લિંક ઓપન કરી અને એક વોટ્સએપ નંબર પર મેસેજ મોકલ્યો. કેનેડીએ પાછળથી તે નંબર પર વાત કરીને રેટ લિસ્ટ મોકલ્યું. આ જોઈને કેનેડી 15 લોકોની સિરસીથી કેદારનાથ રિટર્ન ટિકિટ વિશે વાત કરી રહ્યા હતા, તે વ્યક્તિએ વ્યક્તિ દીઠ 4680ની એડવાન્સ રકમ જમા કરાવવાનું કહ્યું. કેનેડીએ તેના ત્રણ મિત્રો હાર્દિક અશોકભાઈ પટેલ, આશિષ પટેલ અને નીરવ ખલાસી પાસેથી કુલ 70,200 ટ્રાન્સફર કર્યા હતા. 15 લોકોના ફોટો, આધાર કાર્ડ અને પેમેન્ટની વિગતો મોકલતી વખતે વ્યક્તિએ ટિકિટની પીડીએફ ફાઇલ મોકલીને વીમા તરીકે 37 હજાર જમા કરાવવાનું કહ્યું હતું. જો કે, કેનેડીએ તે રકમ મોકલી ન હતી અને ટિકિટની પીડીએફ ફાઇલ તેના મિત્ર રસિકને મોકલી હતી.

આ પછી 30 મેના રોજ જ્યારે રસિક અને અન્ય લોકો ટિકિટની પીડીએફ ફાઇલ સાથે હેલિકોપ્ટર સેવાની ઑફિસમાં ગયા ત્યારે તે નકલી હોવાનું બહાર આવ્યું. જ્યારે કેનેડીએ ટિકિટ બુક કરાવનાર વ્યક્તિ સાથે વાત કરી તો તેણે કહ્યું કે જો તે 37 હજાર રૂપિયા ઈન્શ્યોરન્સ જમા કરાવશે તો ટિકિટ કન્ફર્મ થઈ જશે. આ અંગે કેનેડીને છેતરપિંડીની આશંકા આવતાં ઓનલાઈન સાયબર ક્રાઈમ પોર્ટલ પર ડુમસ પોલીસ સ્ટેશનમાં છેતરપિંડીની ફરિયાદ નોંધાવી હતી.

English summary

A dispute of 70 thousand with the businessman on the issue of booking a helicopter for Kedarnath!