રેમડેસિવિર માટે લાંગી લાઈનો લાગી, સુરત માટે 4000 ઈંજેક્શન આવ્યાં
રેમડેસિવિર માટે લાંગી લાઈનો લાગી, સુરત માટે 4000 ઈંજેક્શન આવ્યાં
સુરત શહેરમાં કોરોના દર્દીઓ માટે મહત્વપૂર્ણ માનવામાં આવી રહેલ ઈંજેક્શન રેમડેસિવીર માટે ન્યૂ સિવિલ હોસ્પિટલમાં દર્દીઓના પરિજનોની લાઈન ખતમ થવાનું નામ નથી લઈ રહી. રાજ્ય સરકારે જિલ્લા કલેક્ટર ડૉ. ધવલ પટેલને શહેરના ખાનગી હોસ્પિટલોમાં દાખલ કોરોના દર્દીઓ માટે 300 રેમડેસિવિર ઈંજેક્શન અને ગ્રામીણ ક્ષેત્રો માટે 1000 ડોઝ ઉપલબ્ધ કરાવ્યા છે. કલેક્ટરે હોસ્પિટલના પ્રતિનિધિ અથવા ઑથોરાઈઝેશન લેટર હોવા પર ઈંજેક્શન આપવાની વ્યવસ્થા કરી છે. રેમડેસિવિર માટે સોમવારે સવારથી સાંજ સુધી પરિજનોની લાંબી લાઈનો જોવા મળી.
રેમડેસિવિર ઈંજેક્શનના શૉર્ટેજના 48 કલાક બાદ રાજ્ય સ્વાસ્થ્ય વિભાગે સુરતને 4000 ઈંજેક્શન ઉપલબ્ધ કરાવ્યાં છે. કલેક્ટર ડૉ ધવલ પટેલે સોમવારે સવારે ઓડિયો મેસેજ જાહેર કરી નાગરિકોને શહેરી ક્ષેત્ર માટે 3000 ડોઝ અને ગ્રામીણ ક્ષેત્રો માટે 1000 ડોઝ આવ્યા હોવાની જાણકારી આપી. આ ઈંજેક્શન લેવા માટે ખાનગી હોસ્પિટલમાં દાખલ કોરોના દર્દી માટે ડૉક્ટરનું પ્રિસ્ક્રિપ્શન, આધાર કાર્ડ અને આરટીપીસીઆર રિપોર્ટ ફરજીયાત પણે જમા કરાવવાના નિર્દેશ આપવામાં આવ્યા છે. પ્રત્યેક દર્દી માટે એક ઈંજેક્શન આપવામાં આવી રહ્યું છે.
કલેક્ટરે હોસ્પિટલના અધિકૃત વ્યક્તિઓને ઑથોરાઈઝેશન લેટર અને દર્દીઓના દસ્તાવેજ સાથે ન્યુ સિવિલ હોસ્પિટલેથી કલેક્ટ કરવાનો નિર્દેશ આપવામાં આવ્યો હતો. પરંતુ ન્યૂ સિવિલ હોસ્પિટલની બહાર ઈંજેક્શન લેવા માટે સોમવારે સવારેથી જ ન્યૂ સિવિલ હોસ્પિટલમાં ઓપીડી બહાર લાંબી લાઈનો લાગી ગઈ. બપોર થતાં થતાં ઈંજેક્શન લેનારાઓની લાઈન ઘણી લાંબી થઈ ગઈ. બીજી તરફ ગ્રામણી ક્ષેત્રો માટે 1000 રેમડેસિવિર ઈંજેક્શન વિતરણની વ્યવસ્થા બારડોલી પ્રાંત અધિકારી દ્વારા શરૂ કરાઈ છે. ન્યુ સિવિલ હોસ્પિટલના અધિકારીઓએ જણાવ્યું કે સાંજે પાંચ વાગ્યા સુધી 1200થી 1300 રેમડેસિવિર ઈંજેક્શન વિતરિત કરાયાં છે.
પ્રવાસીઓ માટે રેલવેએ ચલાવી કેટલીય ટ્રેન, મહારાષ્ટ્ર-ગુજરાતથી આવતી ટ્રેનમાં ભારે ભીડ