Surat News : સુરતમાં G-20 અંતર્ગત મહિલાઓ માટે યોજાઇ સાડી વોકથોન, 15000 રજિસ્ટ્રેશન
Surat News : વર્તમાન સમયમાં લોકો ફીટનેસ અંગે જાગૃત થઇ રહ્યા છે. ફીટ રહેવા અને મહિલા શક્તિકરણ વિશે જાગૃતતા ફેલાવવાના ઉદ્દેશ્યથી સાડી પહેરેલી 15000થી વધુ મહિલાઓએ રવિવારના રોજ ભારતના કાપડ હબમાં સાડી વોકથોનમાં ભાગ લીધો હતો. સુરત ભારતનું કાપડ હબ છે અને એક મીનિ ઇન્ડિયા પણ માનવામાં આવે છે.
સુરત મ્યુનિસિપલ કોર્પોરેશન અને સુરત સ્માર્ટ સિટી ડેવલપમેન્ટ લિમિટેડ દ્વારા સંયુક્ત રીતે આયોજિત 'સાડી વોકાથોન'માં વિવિધ રાજ્યોની મહિલાઓએ ભાગ લીધો હતો.
તેમની સાથે વિદેશમાંથી સુરતમાં અભ્યાસ કરતા વિવિધ દેશોના વિદ્યાર્થીઓ પણ પરંપરાગત ભારતીય વસ્ત્રો અને સાડીઓમાં સજ્જ થઈને બહાર આવ્યા હતા. આ કાર્યક્રમ દરમિયાન વગાડવામાં આવેલા ગુજરાતી ગીતો પર પાર્ટિસિપન્ટ્સને ડાન્સ કરતા પણ જોવા મળ્યા હતા.
વોકેથોનને કેન્દ્રીય ટેક્સટાઈલ અને રેલવે રાજ્ય મંત્રી દર્શના જરદોશ, ગુજરાતના ગૃહ રાજ્ય હર્ષ સંઘવી, પ્રદેશ ભાજપ પ્રમુખ સી. આર. પાટીલ અને અન્ય મહાનુભાવોએ ફ્લેગ ઓફ કરાવ્યું હતું.
સુરત મ્યુનિસિપલ કમિશનર શાલિની અગ્રવાલે જણાવ્યું હતું કે, ભારત માટે ગર્વની વાત છે કે, વડાપ્રધાન મોદીના નેતૃત્વમાં ભારતને G20ની અધ્યક્ષતા મળી છે. આજે અહીં સાડી વોકાથોનનું આયોજન કરવામાં આવ્યું છે. આ ઇવેન્ટ માટે લગભગ 15,000 મહિલાઓએ રજિસ્ટ્રેશન કરાવ્યું છે અને 15 રાજ્યોમાંથી મહિલાઓ અહીં આવી છે.
#WATCH | 'Saree Walkathon' organised by Surat Municipal Corporation and Surat Smart City Development Limited in Surat, Gujarat pic.twitter.com/xDXsQSScgU
— ANI (@ANI) April 9, 2023
આ કાર્યક્રમમાં હાજર રહેલા અફઘાનિસ્તાનના એક વિદ્યાર્થીએ જણાવ્યું હતું કે, તે દર્શાવે છે કે, મહિલાઓ તેમના વ્યસ્ત સમયપત્રક હોવા છતાં કેવી રીતે સ્વસ્થ જીવન જીવી શકે છે.
આ પહેલા શનિવારના રોજ વર્લ્ડ હેલ્થ ડે દરમિયાન કેન્દ્રીય સ્વાસ્થ્ય અને પરિવાર કલ્યાણ મંત્રાલયે નવી દિલ્હીમાં વોકથોન કાર્યક્રમનું આયોજન કર્યું હતું.
'હેલ્થ ફોર ઓલ' થીમ હેઠળ આ કાર્યક્રમનું આયોજન કરવામાં આવ્યું હતું. વોકથોનનો ઉદ્દેશ્ય માત્ર બિન-સંચારી રોગો (NCDs)ને દૂર રાખવા માટે જ નહીં, પરંતુ માનસિક સ્વાસ્થ્ય પર હકારાત્મક અસર કરવા માટે તંદુરસ્ત ટેવો વિશે જાગૃતિ લાવવાનો હતો. આ કાર્યક્રમ વિજય ચોકથી શરૂ થઈને ડ્યુટી પથ પર થઈને ઈન્ડિયા ગેટ થઈને નિર્માણ ભવન પહોંચ્યો હતો.
સારા સ્વાસ્થ્ય માટે 350 થી વધુ ઉત્સાહી સ્પર્ધકોએ વોકમાં ભારે ઉત્સાહ સાથે ભાગ લીધો હતો. તેમણે જીવનશૈલી સંબંધિત સ્વાસ્થ્ય સમસ્યાઓ/બીમારીઓ જેમ કે, હાઈપરટેન્શન, ડાયાબિટીસ, માનસિક બીમારી અને કેન્સરને રોકવા અને નિયંત્રિત કરવા માટે સ્વસ્થ અને સક્રિય જીવન જીવવાનો સંકલ્પ કર્યો હતો.
Click it and Unblock the Notifications
Sign in with Google
