Western Railway: રેલવે મુસાફરો માટે સારા સમાચાર, શરૂ થશે ઉધના-ભાવનગર ટર્મિનસ સ્પેશિયલ ટ્રેન

Western Railway: પશ્ચિમ રેલવે દ્વારા આગામી તહેવારોની સિઝનમાં મુસાફરોની વધતી માંગને પહોંચી વળવા ઉધના અને ભાવનગર ટર્મિનસ વચ્ચે સ્પેશિયલ ટ્રેન દોડાવવાની જાહેરાત કરવામાં આવે છે.

ટ્રેન નંબર 09021 ઉધના-ભાવનગર સ્પેશિયલ 05 ઓગસ્ટ, 2024 થી 26 ઓગસ્ટ, 2024 સુધી ચાલશે, જે ઉધનાથી દર સોમવારે 22:05 કલાકે ઉપડશે, અને ભાવનગર ટર્મિનસ ખાતે 08:45 કલાકે (આગામી દિવસે) પહોંચશે.

ટ્રેન નંબર 09022 ભાવનગર-ઉધના સ્પેશિયલ 06 ઓગસ્ટ, 2024 થી 27 જુલાઈ 2024 સુધી ચાલશે. તે મંગળવારે ભાવનગર ટર્મિનસથી 19:00 કલાકે ઉપડશે અને 07:10 કલાકે (આગામી દિવસે) ઉધના પહોંચશે.

ઉલ્લેખનીય છે કે, આ ટ્રેન વિશેષ ભાડા સાથે વિશેષ સેવા તરીકે કામ કરશે, અને તેમાં એસી ચેર કાર, સ્લીપર અને જનરલ સેકન્ડ ક્લાસ કોચ હશે.

આ રૂટમાં ટ્રેન બંને દિશામાં ભરૂચ, વડોદરા, આણંદ, નડિયાદ, અમદાવાદ, ગાંધીગ્રામ, સરખેજ, ધોળકા, ધંધુકા, બોટાદ, ધોળા, સોનગઢ, સિહોર અને ભાવનગર પરા સ્ટેશનો પર ઉભી રહેશે.

નોંધનીય બાબત છે કે, બંને ટ્રેનો માટે બુકિંગ 2 ઓગસ્ટ, 2024ના રોજ તમામ PRS કાઉન્ટર અને IRCTC વેબસાઇટ પર ખુલશે.

WR will run 09021/22 Udhna - Bhavnagar Terminus Special for the convenience of passengers and to meet the travel demand.

The booking for Train No. 09021 & 09022 will open on 2nd August 2024 at all PRS Counters and the IRCTC Website. #WRUpdates pic.twitter.com/3tK5gaS5il

— Western Railway (@WesternRly) July 31, 2024

English summary

Western Railway: Udhana-Bhavnagar terminus special train will start