રાજ્યના પ્રથમ લવ જેહાદ કેસની ફરિયાદી યુવતીએ FIR રદ કરવા માટેની અરજી કરી
ગુજરાત ફ્રીડમ ઓફ રિલિજિયન (એમેન્ડમેન્ટ) એક્ટ હેઠળ સામાન્ય રીતે લવ જેહાદ કાયદો તરીકે ઓળખાતી ગુજરાતની પ્રથમ ફરિયાદનો ભોગ બનેલી મહિલાએ ગુજરાત હાઇકોર્ટનો સંપર્ક કર્યો છે.
વડોદરા : ગુજરાત ફ્રીડમ ઓફ રિલિજિયન (એમેન્ડમેન્ટ) એક્ટ હેઠળ સામાન્ય રીતે લવ જેહાદ કાયદો તરીકે ઓળખાતી ગુજરાતની પ્રથમ ફરિયાદનો ભોગ બનેલી મહિલાએ ગુજરાત હાઇકોર્ટનો સંપર્ક કર્યો છે. તેના પતિ, સાસરિયાઓ, કાઝી અને સાક્ષીઓ સામે નોંધાયેલી FIR રદ્દ કરવી જોઈએ. આ સાથે દાવો કર્યો હતો કે, તેને ધર્મ પરિવર્તન કરવા માટે કોઇપણ પ્રકારની ફરજ પાડવામાં આવી ન હતી.
હાઇકોર્ટમાં દાખલ કરવામાં આવેલી રદબાતલ અરજીમાં પ્રથમ અરજદાર
વડોદરાની 25 વર્ષીય યુવતીએ 17 જૂનના રોજ ફરિયાદ નોંધાવી હતી, જે બાદ 5 ઓગસ્ટના રોજ હાઇકોર્ટમાં દાખલ કરવામાં આવેલી રદબાતલ અરજીમાં પ્રથમ અરજદાર છે. જ્યારે અન્ય આરોપીઓ પોતાની નિર્દોષતાનો દાવો કરે છે, ફરિયાદીએ ભારપૂર્વક જણાવ્યું છે કે, તેણીને પોતાનો ધર્મ છોડવાની ફરજ પાડવામાં આવી ન હતી. વકીલે અરજીની વિગતો જાહેર કરવાનો ઇન્કાર કર્યો હતો, જેની સુનાવણી આગામી સપ્તાહે માટે આવે તેવી શક્યતા છે.
પીડિતા પોતે FIR રદ્દ કરવાની માંગ કરતી અરજદાર બની
હાઈકોર્ટમાં FIR રદ્દ કરવાના કેસમાં અરજી દાખલ કરવાની સામાન્ય પ્રથા એ છે કે, પીડિતાને પક્ષ પ્રતિવાદી બનાવવામાં આવે છે, જે કોર્ટને જણાવે છે કે, જો FIR રદ કરવામાં આવે તો તેને કોઈ સમસ્યા નથી, પરંતુ આ કિસ્સામાં, પીડિતા પોતે FIR રદ્દ કરવાની માંગ કરતી અરજદાર બની છે.
ગોત્રી પોલીસ સ્ટેશનમાં તેના પતિ વિરુદ્ધ ફરિયાદ નોંધાવી હતી
17 જૂનના રોજ મહિલાએ વડોદરા શહેરના ગોત્રી પોલીસ સ્ટેશનમાં તેના પતિ વિરુદ્ધ ફરિયાદ નોંધાવી હતી, જે વિધર્મી છે, પરંતુ કથિત રૂપે સૌપ્રથમ સોશિયલ મીડિયા પર પોતાની ઓળખ સેમ માર્ટિન તરીકે કરી હતી. તેણે તેની સાથે મિત્રતા કરી હતી અને બાદમાં ફેબ્રુઆરીમાં લગ્ન કરી લીધા હતા.
આ યુવતીએ ફરિયાદમાં જણાવ્યું હતું કે, તેણીને તેનો ધર્મ બદલવાની ફરજ પાડવામાં આવી હતી.
ઉલ્લેખનીય છે કે, વર્ષે 15 જૂનથી રાજ્યમાં અમલમાં આવેલા ગુજરાત ફ્રીડમ ઓફ રિલિજિયન એમેન્ડમેન્ટ એક્ટની જોગવાઈઓ હેઠળ આ યુવતીએ 17 જૂનના રોજ તેના પતિ, તેના માતાપિતા, નિકાહ કરાવનારા કાજી અને લગ્નના બે સાક્ષીઓ સામે ગુનો નોંધવામાં આવ્યો છે. પતિ પર ઘરેલુ હિંસા, બળાત્કાર અને સદોષીના આરોપો હેઠળ કેસ નોંધવામાં આવ્યો છે.