શું પાકિસ્તાની આર્મી ચીફ જનરલ બાજવાના કારણે થયો અલ ઝવાહિરી ઢેર? અમેરિકા સાથે થઇ હતી ડીલ

અલ કાયદાના નેતા અયમાન અલ-ઝવાહિરી માર્યા ગયા છે. અમેરિકાએ કાબુલમાં ડ્રોન હુમલા દ્વારા આ ખતરનાક મિશન પાર પાડ્યું હતું. પરંતુ હવે અલ-ઝવાહિરીની હત્યા પાછળ કોનો હાથ હોઈ શકે તે અંગે ચર્ચાઓ તેજ થઈ ગઈ છે. થોડા દિવસ પહેલા જ પાકિસ્તાનના આર્મી ચીફ જનરલ કમર જાવેદ બાજવાએ અમેરિકાના એક વરિષ્ઠ અધિકારી સાથે વાતચીત કરી હતી. થોડા દિવસો પછી, અમેરિકાએ વિશ્વના સૌથી ભયંકર આતંકવાદી સંગઠન, અલ-કાયદાના નેતા અલ-ઝવાહિરીને ડ્રોન હુમલામાં મારી નાખ્યો હતો.

બાજવા પર શક

અમેરિકાએ અલ-ઝવાહિરીને ખતમ કરવાની સ્ક્રિપ્ટ પહેલેથી જ તૈયાર કરી લીધી હશે.અલ-કાયદાના મુખ્ય નેતા અલ-ઝવાહિરીની હત્યા વચ્ચે પાકિસ્તાન આર્મી ચીફ જનરલ બાજવાનું નામ આગળ આવી રહ્યું છે. મળતી માહિતી મુજબ તાલિબાનને શંકા છે કે અલ-ઝવાહિરીના છુપાયા પાછળ બાજવાનો હાથ હોઈ શકે છે. હવે ઘણા આતંકવાદી સંગઠનો પાકિસ્તાન વિરુદ્ધ નિવેદનબાજી કરી રહ્યા છે. તાલિબાનના સમર્થકોને શંકા છે કે બાજવાએ અલ-કાયદાના નેતાની હત્યામાં અમેરિકાને સહકાર આપ્યો છે.

મરતો શુ ન કરે

તમને જણાવી દઈએ કે પાકિસ્તાન ગંભીર આર્થિક સંકટમાંથી પસાર થઈ રહ્યું છે. IMF પાસેથી લોન માંગવા માટે તેઓ યુએસ સાથે વાતચીત કરી રહ્યા છે. થોડા દિવસ પહેલા જ પાકિસ્તાની આર્મી ચીફ જનરલ કમર જાવેદ બાજવાએ અમેરિકામાં સેનાના એક વરિષ્ઠ અધિકારી સાથે ટેલિફોન પર વાતચીત કરી હતી. મીડિયા રિપોર્ટમાં કહેવામાં આવ્યું છે કે, આ દરમિયાન તેણે સેનાના એક વરિષ્ઠ અધિકારી સાથે વાત કરી. આવી સ્થિતિમાં, આતંકવાદી સંગઠનોને લાગે છે કે, બાજવાએ આ સમયગાળા દરમિયાન અલ-ઝવાહિરી વિશે ઘણી ગુપ્ત માહિતી યુએસને શેર કરી હશે. જોકે, આ અંગે કોઈ સત્તાવાર પુષ્ટિ થઈ નથી.

ઇમરાન ખાને પૂછ્યુ હતુ શુ ડીલ કરીને આવ્યા છો

તે જ સમયે, પાકિસ્તાનના ભૂતપૂર્વ વડા પ્રધાન ઇમરાન ખાને બાજવાને ઠપકો આપ્યો હતો અને પૂછ્યું હતું કે વાતચીત દરમિયાન અમેરિકા સાથે શું ડીલ થઈ હતી. તેમણે એક ટીવી ચેનલને આપેલા ઈન્ટરવ્યુમાં કહ્યું કે આ વાતચીત દર્શાવે છે કે 'દેશ દિવસેને દિવસે નબળો પડી રહ્યો છે.' ઈમરાને કહ્યું કે, અર્થવ્યવસ્થા સાથે વ્યવહાર કરવાનું જનરલ બાજવાનું કામ નથી. આ સાથે તેણે એવો સવાલ પણ કર્યો કે શું અમેરિકાએ પણ મદદના બદલામાં પાકિસ્તાન સામે કોઈ માંગણી કરી છે?

અમેરિકાએ શું ડીમાંડ રાખી?

હવે ઈમરાન ખાનના આ સવાલના ઘણા અર્થ કાઢી શકાય છે. તેમણે કહ્યું કે શું અમેરિકાએ મદદના બદલામાં પાકિસ્તાન સામે કોઈ માંગણી કરી છે. હવે સવાલ એ છે કે શું બાજવાએ અમેરિકાની માગણી તરીકે અલ જવાહિરીનું સરનામું અમેરિકાને જણાવ્યું હતું? આવા અનેક સવાલો છે, જેના જવાબો ધીમે ધીમે સામે આવી રહ્યા છે.

શું પાકિસ્તાન અને અમેરિકા નજીક આવી રહ્યાં છે?

જો વાસ્તવમાં બાજવાએ અલ જવાહિરીને ખતમ કરવામાં અમેરિકાની મદદ કરી હોય તો તેનો અર્થ એ છે કે પાકિસ્તાન ફરીથી અમેરિકાની નજીક આવતું જણાય છે. જો આમ થશે તો ભારત માટે આ તણાવના સમાચાર બની શકે છે. તે પોતાની નાપાક યોજનાઓને સફળ બનાવવા માટે ફરી ભારત વિરુદ્ધ વધુ કાવતરું કરી શકે છે.

તાલિબાનની પ્રતિક્રીયા

અલ-કાયદાના વડા અલ-ઝવાહિરી યુએસના ડ્રોન હુમલામાં માર્યા ગયાના કલાકો પછી તાલિબાનની પ્રતિક્રિયા આવી છે. સરકારના પ્રવક્તા ઝબીહુલ્લા મુજાહિદે આ હુમલાની નિંદા કરી અને કહ્યું કે આવા હુમલા અમેરિકા અને અફઘાનિસ્તાન વચ્ચેના સંબંધોને અસર કરી શકે છે. આ સાથે તાલિબાને કાબુલમાં યુએસ એરસ્ટ્રાઈકને દોહા સમજૂતીનું ઉલ્લંઘન ગણાવ્યું છે.

બાજવાએ સંભાળ્યો મોરચો

આર્મી ચીફ જનરલ કમર જાવેદ બાજવાએ હવે ગરીબોથી પીડિત પાકિસ્તાનને ડિફોલ્ટર બનતા રોકવા માટે આગેવાની લીધી છે. થોડા દિવસ પહેલા જ પાકિસ્તાનના નાણા મંત્રી મિફ્તા ઈસ્માઈલે દાવો કર્યો હતો કે પાકિસ્તાન અને IMF વચ્ચે ચાર અબજ ડોલરની લોન પર સમજૂતી થઈ છે, જોકે આ જાહેરાતની પાકિસ્તાનની અર્થવ્યવસ્થા પર કોઈ અસર થઈ નથી. પાકિસ્તાની રૂપિયો ડોલર સામે દિવસેને દિવસે નબળો પડી રહ્યો છે. હાલમાં 1 ડૉલરની કિંમત 239 પાકિસ્તાની રૂપિયાને વટાવી ગઈ છે.

આઇએમએફની શરત

ઇન્ટરનેશનલ મોનેટરી ફંડે પાકિસ્તાનને આર્થિક પેકેજ પુનઃસ્થાપિત કરવા માટે ઘણી કડક શરતો મૂકી છે. IMFએ કહ્યું છે કે ઇસ્લામાબાદના આર્થિક પેકેજને પુનઃસ્થાપિત કરવા માટે, વીજળીના દરમાં વધારો કરવો પડશે અને પેટ્રોલિયમ ઉત્પાદનો પર ટેક્સ લગાવવો પડશે. તમને જણાવી દઈએ કે પાકિસ્તાનમાં શ્રીલંકા જેવી સ્થિતિ સર્જાઈ રહી છે. ત્યાંના લોકો મોંઘવારીથી પરેશાન છે. બીજી તરફ પાકિસ્તાનની સેન્ટ્રલ બેંકે કહ્યું હતું કે દેશની સત્તાવાર વિદેશી મુદ્રા ભંડાર $8.57 બિલિયનથી ઘટીને $754 મિલિયન થઈ ગયો છે. પાકિસ્તાનના વિદેશી મુદ્રા ભંડારમાં આ સૌથી મોટો ઘટાડો છે. જો આમ જ ચાલતું રહ્યું તો એ દિવસ દૂર નથી જ્યારે પાકિસ્તાનનો સમગ્ર વિદેશી હૂંડિયામણનો ભંડાર ખાલી થઈ જશે અને દેશ ડિફોલ્ટર બની જશે.

કઇ પણ કરી શકે છે પાકિસ્તાન

પાકિસ્તાન કંઈ પણ કરી શકે છે. ગરીબીથી બચવા તે કોઈપણ હદ સુધી જઈ શકે છે. તે ફરીથી અમેરિકાનો મિત્ર બનવાનો પ્રયત્ન કરશે અને પોતાના હિત માટેના પ્રયાસોમાં સામેલ થશે.

English summary

Did Pakistan Army Chief General Bajwa cause Al Jawahiri massacre?