તઝાકિસ્તાનમાં ભૂકંપના જોરદાર ઝટકા, રિક્ટર સ્કેલ પર તીવ્રતા 6.8

ગુરુવારે સવારે તઝાકિસ્તાનમાં ભૂકંપના શક્તિશાળી ઝટકા અનુભવાયા છે. રિક્ટર સ્કેલ પર તેની તીવ્રતા 6.8 રહી.

Updated: Thursday, February 23, 2023, 8:13 [IST]

Tajikistan Earthquake: તુર્કી અને સીરિયામાં ભૂકંપના વિનાશની અસર હજુ ચાલુ છે ત્યાં ગુરુવારે સવારે તઝાકિસ્તાનમાં ભૂકંપના શક્તિશાળી ઝટકા અનુભવાયા છે. રિક્ટર સ્કેલ પર તેની તીવ્રતા 6.8 માપવામાં આવી છે. જે ખૂબ જ ખતરનાક માનવામાં આવે છે. ભૂકંપના આ ઝટકા અફઘાનિસ્તાન અને ચીન પાસેના વિસ્તારોમાં અનુભવાયા. રિપોર્ટ મુજબ તઝાકિસ્તાનના મુર્ગોભમાં ભૂકંપના ઝટકા અનુભવાયા છે. મુર્ગોભથી લગભગ 65 કિમી પશ્ચિમમાં ભૂકંપનો આંચકો અનુભવાયો હતો. જો કે હજુ સુધી આ ભૂકંપથી કોઈ નુકસાનના સમાચાર નથી.

યુએસ જિયોલોજિકલ સર્વે મુજબ સવારે 5.37 વાગે ભૂકંપના આંચકા અનુભવાયા છે, તેની ઊંડાઈ લગભગ 20.5 કિલોમીટર છે. આ ભૂકંપથી કોઈને નુકસાન થવાની આશા નથી. ભૂકંપનુ કેન્દ્ર અફઘાનિસ્તાન-ચીન સરહદ નજીક આવેલા ગોર્નો-બદક્ષન નજીક હતુ. આ ભૂકંપના 20 મિનિટ પછી 5 અને 46 આફ્ટરશોક અનુભવાયા હતા. વળી, ચીન ભૂકંપ નેટવર્ક કેન્દ્રએ કહ્યુ કે ભૂકંપની તીવ્રતા 7.2 હતી અને તેનુ ઉંડાણ 10 કિમી હતુ. તુર્કીના એંટિઑકમાં પણ સ્થાનિક સમય મુજબ સવારે 4.42 વાગે ભૂકંપના ઝટકા અનુભવાયા છે. જેની તીવ્રતા 4.2 હતી.

Earthquake of Magnitude:6.7, Occurred on 23-02-2023, 06:07:44 IST, Lat: 38.01 & Long: 73.33, Depth: 113 Km ,Location: 265km ENE of Fayzabad, Afghanistan for more information Download the BhooKamp App https://t.co/kuSdlp2RlF @ndmaindia @Indiametdept @DDNewslive @Dr_Mishra1966 pic.twitter.com/fJ1IW8qG5T
— National Center for Seismology (@NCS_Earthquake) February 23, 2023