જર્મનીના મ્યૂનિચમાં શોપિંગ સેન્ટરમાં અંધાધૂંધ ફાયરિંગ, વધુ એક હુમલો

જર્મનીના મ્યૂનિચ શહેરના જાણીતા શોપિંગ સેન્ટરમાં કેટલાક હુમલાખોરોએ અચાનક ધૂસી જઇને અંધાધૂંધ ફાયરિંગ કરવાની શરૂ કરી છે. જેનાથી અત્યાર સુધીમાં 10 લોકોની મોતની ખબર છે. સુરક્ષા દળોએ મોલને ચારે બાજુથી ધેરી લીધો છે. અને મોલને ખાલી પણ કરવામાં આવ્યો છે.

હાલ તેવા પણ સમાચારો આવી રહ્યા છે કે મોલ સિવાય ત્યાંના મેટ્રો સ્ટેશનમાં પણ હુમલો થયો છે. જો કે રાતના 11 વાગ્યા સુધીમાં મૃતકોની સંખ્યા અને હુમલા અંગે કોઇ સ્પષ્ટ જાણકારી નથી મળી શકી. પ્રાપ્ત જાણકારી મુજબ મોલમાં આવેલ ફાર્મસીની દુકાનથી ગોળીબારી શરૂ થઇ હતી.

નોંધનીય છે કે આ મોલ તે જગ્યા પર બનાવવામાં આવ્યો છે જ્યાં 1972માં ઓલંમ્પિક રમતોનું આયોજન કરવામાં આવ્યું હતું. અને આ મોલ તેની ચારે બાજુએ આવેલી કાચની દિવાલો માટે જાણીતો છે.

English summary

Terrorists have entered in a shopping mall in Munich city of Germany and opened firing. Till now 15 has been killed. Casualties could be increase.