"ભારતે રશિયાને યુક્રેન પર પરમાણુ હુમલો કરવાથી રોક્યુ" અમેરિકન મંત્રીનુ મોટુ નિવેદન
ધ એટલાન્ટિક સાથેની એક મુલાકાતમાં, બ્લિંકને કહ્યું, "તે નવી દિલ્હી છે જેણે બેઇજિંગ સાથે મળીને મોસ્કોને વ્યૂહાત્મક પરમાણુ હથિયારોનો ઉપયોગ કરવાથી રોક્યું છે."
અમેરિકાના વિદેશ મંત્રી એન્ટની બ્લિંકને રશિયા-યુક્રેન યુદ્ધને લઈને મોટું નિવેદન આપ્યું છે. તેમણે એક ઈન્ટરવ્યુમાં કહ્યું કે ભારત અને ચીનના કારણે જ રશિયાએ અત્યાર સુધી યુક્રેન પર પરમાણુ હુમલો નથી કર્યો. બ્લિંકને કહ્યું કે આ બંને દેશોની અસર છે, નહીં તો અત્યાર સુધીમાં રશિયાએ આ યુદ્ધ જીતવા માટે યુક્રેન પર પરમાણુ હુમલો કરી દીધો હોત.
ભારતનો રશિયા સાથે સિધો સબંધ
ધ એટલાન્ટિકને આપેલા ઈન્ટરવ્યુમાં બ્લિંકને કહ્યું હતું કે, 'ભારત અન્ય દેશોની સરખામણીએ રશિયા સાથે વધુ સીધું જોડાણ ધરાવે છે. તે નવી દિલ્હી છે જેણે, બેઇજિંગ સાથે મળીને, મોસ્કોને વ્યૂહાત્મક પરમાણુ શસ્ત્રોનો ઉપયોગ કરવા પર રોક લગાવી છે. અમેરિકી વિદેશ મંત્રીએ કહ્યું કે પુતિન આ યુદ્ધમાં વધુ અતાર્કિક પ્રતિક્રિયા આપી શકે છે. મોસ્કો તરફથી વારંવાર પરમાણુ હુમલાની ધમકીઓ મળી રહી હતી. આ ચિંતાનો વિષય છે.
રશિયા વિરૂદ્ધના ઠરાવ પર વોટથી ભારતે બનાવી દુરી
બ્લિંકને કહ્યું, અમે એવા તમામ દેશોને વિનંતી કરી છે કે જેમના સંબંધો સારા છે આ યુદ્ધનો અંત લાવવા. જેમાં ચીન અને ભારતનો પણ સમાવેશ થાય છે. તેની અસર પણ જોવા મળી હતી. બંને દેશોએ રશિયાને યુક્રેન પર પરમાણુ હુમલો કરતા રોકવાનો પ્રયાસ કર્યો હતો અને તે સફળ રહ્યો હતો. તમને જણાવી દઈએ કે બ્લિંકેનનું નિવેદન યુક્રેન યુદ્ધ પર ભારતના વલણના જવાબમાં આવ્યું છે. 23 ફેબ્રુઆરીના રોજ, યુદ્ધના એક વર્ષ પૂર્ણ થવાના એક દિવસ પહેલા, સંયુક્ત રાષ્ટ્ર મહાસભામાં રશિયા વિરુદ્ધ ઠરાવ લાવવામાં આવ્યો હતો. તેમાં માંગ કરવામાં આવી હતી કે રશિયા શક્ય તેટલી વહેલી તકે યુક્રેનમાંથી બહાર નીકળી જાય. ભારત આ વોટથી દૂર રહ્યું.
ભારતનો રશિયા પર ઓછો થઇ રહ્યોં છે ભરોસો
બ્લિંકને કહ્યું કે જે દેશો રશિયા સાથે વર્ષોથી સંબંધો ધરાવે છે, તેમના માટે એક જ ઝાટકે અલગ થવું મોટો પડકાર છે. આપણે જાણીએ છીએ કે ભારત દાયકાઓથી રશિયન લશ્કરી સાધનો ખરીદી રહ્યું છે પરંતુ છેલ્લા કેટલાક વર્ષોમાં આપણે જે જોયું છે તે રશિયામાં વિશ્વાસ ગુમાવી રહ્યું છે. રશિયા પર ભારતની નિર્ભરતા ઘટી રહી છે અને ભારત ફ્રાન્સ અને અમેરિકા જેવા દેશો સાથે સંબંધો વધારી રહ્યું છે.
ચીન પર લગાવ્યો મોટો આરોપ
આ પહેલા અમેરિકાના વિદેશ મંત્રીએ ચીન પર આરોપ લગાવ્યો હતો કે તે રશિયાને હથિયાર આપીને મદદ કરી શકે છે. ચીનને મોટો ખતરો ગણાવતા બ્લિંકને કહ્યું કે ચીન રશિયાને શસ્ત્રો અને દારૂગોળો આપવા પર વિચાર કરી રહ્યું છે, જે આવનારા સમયમાં મુશ્કેલીઓ ઊભી કરી શકે છે. એન્ટની બ્લિંકને વધુમાં જણાવ્યું હતું કે ચીન ન તો રશિયાની કાર્યવાહીની ટીકા કરે છે અને ન તો તે રશિયા પર યુક્રેનના હુમલાને ખોટું માને છે. તેમણે ચેતવણી આપી હતી કે ચીન તરફથી કોઈપણ શસ્ત્ર સપ્લાય માત્ર પશ્ચિમી દેશો માટે જ નહીં પરંતુ વિશ્વના અન્ય દેશો માટે પણ સમસ્યા ઊભી કરી શકે છે.
Click it and Unblock the Notifications
Sign in with Google
