કાબુલ એરપોર્ટ હુમલો: ISIS અને તાલિબાન બંનેએ સ્વીકારી જવાબદારી
કાબુલ એરપોર્ટ પર 20-30 રોકેટ વડે હુમલો, આઇએસઆઇએસ અને તાલિબાન બંનેએ સ્વીકારી જવાબદારી
બુધવારે અફઘાનિસ્તાનની રાજધાની કાબુલના હામિદ કરઝઈ ઇન્ટરનેશનલ એરપોર્ટ પર રોકેટ વડે હુમલો કરવામાં આવ્યો હતો. અફઘાનિસ્તાન મીડિયાના અહેવાલો અનુસાર, એરપોર્ટ પર 20થી 30 રોકેટ વડે હુમલો કરવામાં આવ્યો હતો, જેને કારણે તાત્કાલિક એરપોર્ટ ખાલી કરાવવું પડ્યું હતું. આ ઘટના બાદ તમામ ફ્લાઇટ પણ રદ્દ કરવામાં આવી હતી. મીડિયાના અહેવાલો અનુસાર, તમામ રોકેટ એરપોર્ટ પાસે પડ્યા હતા, પરંતુ તેમનું ખરું નિશાન નાટો બસ હતી.
નોંધનીય છે કે, અમેરિકન રક્ષા મંત્રી જેમ્સ મેટિસ કાબુલ એરપોર્ટ પહોંચ્યા બાદ ત્યાં હુમલો થયો હતો. રક્ષા મંત્રીની ફ્લાઇટ લેન્ડ થયાની ગણતરીની મિનિટોમાં જ ત્યાં રોકેટ પડ્યા હતા. જો કે, આ ઘટનામાં કોઇ નુકસાન થયા હોવાના સમાચાર નથી. અફઘાનિસ્તાનની ટોલો ન્યૂઝના અહેવાલો અનુસાર, તાલિબાન દ્વારા આ હુમલાની જવાબદારી સ્વીકારવામાં આવી છે અને તેમના નિશાના હતા યુએસના રક્ષા મંત્રી જેમ્સ મેટિસ. તો બીજી બાજુ, ન્યૂઝ એજન્સિ રોયટર્સ અનુસાર ઇસ્લામિક સ્ટેટ દ્વારા આ હુમલાની જવાબદારી સ્વીકારવામાં આવી છે.
#KabulAttack - Taliban accept responsibility for rocket attack on airport say target was US secretary of defense James Mattis #Afghanistan
— TOLOnews (@TOLOnews) September 27, 2017