મોરક્કોમાં ભૂકંપ પહેલા દેખાઇ રહસ્યમયી લાઇટ, શું માણસોએ લાવી આ આપત્તી?, Video

તાજેતરમાં જ મોરોક્કોમાં વિનાશકારી ભૂકંપ આવ્યો હતો, જેમાં 2000થી વધુ લોકોએ જીવ ગુમાવ્યા હતા. આ ઘટનામાં હજુ પણ હજારો લોકો ગુમ છે, તેમને બચાવવા માટે રેસ્ક્યુ ઓપરેશન ચાલી રહ્યું છે. હવે આ ભૂકંપને લઈને એક નવો દાવો કરવામાં આવી રહ્યો છે, જેના વિશે સાંભળીને આખી દુનિયા આશ્ચર્યમાં છે.

સ્થાનિક લોકોનો દાવો છે કે ભૂકંપના થોડા સમય પહેલા આકાશમાં એક રહસ્યમય પ્રકાશ જોવા મળ્યો હતો, જેના પછી જોરદાર આંચકા અનુભવાયા હતા. આ લાઈટ જોઈને અનુમાન લગાવવામાં આવી રહ્યું છે કે આ ભૂકંપ મનુષ્યો દ્વારા લાવ્યો હતો. આમાં અમેરિકાની પણ સંડોવણી હોવાની શંકા વ્યક્ત કરવામાં આવી રહી છે.

સ્થાનિક મીડિયા અનુસાર મોરોક્કોના અગાદિર શહેરમાં એક ઘરમાં સીસીટીવી કેમેરા લગાવવામાં આવ્યો હતો, તેણે આ વીડિયો રેકોર્ડ કર્યો હતો. વીડિયોમાં ક્ષિતિજની નજીક વાદળી પ્રકાશ સ્પષ્ટપણે જોઈ શકાય છે. કેટલાક લોકો આ ઘટના માટે અમેરિકાના મિલિટરી પ્રોગ્રામ HAARPને જવાબદાર ઠેરવી રહ્યા છે.

યુએસ સરકાર અનુસાર, HAARP એ આયનોસ્ફિયર (ઉપલા વાતાવરણ)માં સંશોધન માટેનો પ્રોજેક્ટ છે. આ સંદર્ભે, અલાસ્કામાં એક વેધશાળામાં રેડિયો ટ્રાન્સમીટર પણ સ્થાપિત કરવામાં આવ્યું હતું.

આ પ્રોજેક્ટ હેઠળ 2022 થી હવામાન પર ઘણું સંશોધન કરવામાં આવી રહ્યું છે, પરંતુ કેટલાક નિષ્ણાતોનો દાવો છે કે તેની મદદથી આપત્તિ લાવવામાં આવી રહી છે. મોરોક્કો પહેલા પણ ઘણી કુદરતી ઘટનાઓમાં HAARP ના નામનો ઉલ્લેખ કરવામાં આવ્યો છે.

અમેરિકન સંશોધકોના જણાવ્યા અનુસાર તેઓ સંશોધન માટે રેડિયો ફ્રીક્વન્સી મોકલે છે, પરંતુ તે પૃથ્વીના કોઈપણ સ્તરે શોષાય નથી. આવી સ્થિતિમાં તે હવામાનને નિયંત્રિત કરી રહ્યો હોવાનો આરોપ ખોટો છે. આ માત્ર એક સંશોધન કાર્યક્રમ છે, જેનો ઉદ્દેશ્ય માનવ કલ્યાણ છે.

ફેબ્રુઆરીમાં, તુર્કીમાં વિનાશક ભૂકંપ આવ્યો હતો, જેમાં લગભગ 50 હજાર લોકોએ જીવ ગુમાવ્યા હતા. આ ઘટના બાદ પણ દાવો કરવામાં આવ્યો હતો કે તે માનવસર્જિત ભૂકંપ હતો. જો કે આને લગતા નક્કર પુરાવા મળી શક્યા નથી.

This clip is from a surveillance camera in the city of Agadir,Morocco, at the moment the earthquake occurred...

Those Mysterious blue flashes of light appeared again on the horizon and no one knew what they were. pic.twitter.com/TEZrkpeNcr

— 𝐓𝐞𝐥𝐥𝐞𝐫 📷📸 (@The_1Teller) September 10, 2023

English summary

Mysterious light seen before the earthquake in Morocco, did humans bring this disaster?