NIA એ લંડનમાં ભારતીય હાઈ કમિશન પર હુમલાના CCTV જારી કર્યા
લંડનમાં ભારતીય હાઈ કમિશન પર હંગામો મચાવનારા ખાલિસ્તાની તત્વોના સીસીટીવી જારી કરાયા છે. એનઆઈએએ આ મુદ્દે લોકોને જાણકારી આપવા અપીલ કરી છે અને માહિતી આપનારા લોકોની જાણકારી ગુપ્ત રખાશે.
નેશનલ ઈન્વેસ્ટિગેશન એજન્સીએ લોકોને ખાલિસ્તાની તત્વો દ્વારા લંડનમાં ભારતીય હાઈ કમિશન પર 19 માર્ચે થયેલા હુમલા સાથે સંબંધિત માહિતી આપવા વિનંતી કરી છે. NIA ગુનેગારોને ઓળખવામાં મદદ માટે હુમલાના સીસીટીવી ફૂટેજ જાહેર કર્યા છે.
NIAએ સીસીટીવી જારી કરતા કહ્યું કે, જો કોઈ સીસીટીવીમાં ઉપદ્રવ કરી રહેલા લોકો વિશે માહિતી આપશે તો ઓળખ આપનારની ઓળખ ગુપ્ત રાખવામાં આવશે.
જણાવી દઈએ કે, 19 માર્ચે ખાલિસ્તાન સમર્થકોએ ભારતીય હાઈ કમિશન પર હુમલો કર્યો હતો. આ દરમિયાન ખાલિસ્તાન સમર્થકોએ ત્રિરંગાનું અપમાન કર્યું હતું અને કેમ્પસમાં તોડફોડ કરી હતી.
CCTV footage of the 19th March attack by anti-national elements on the High Commission of India in London, UK as released by the National Investigation Agency (NIA).
— ANI (@ANI) June 12, 2023
NIA has appealed to the public to provide information regarding the people seen in the CCTV footage. pic.twitter.com/cU3PVoHwCb
આ ઘટનામાં બે સુરક્ષાકર્મીઓ પણ ઘાયલ થયા હતા. અહેવાલો અનુસાર, ઘટના સમયે ભારતીય હાઈ કમિશન બહાર સુરક્ષા વ્યવસ્થા માત્ર નામમાત્ર હતી, જેના કારણે હુમલાખોરો સરળતાથી ઘટનાને અંજામ આપી શક્યા હતા. હુમલાખોરોની સંખ્યા લગભગ 50 આસપાસ હતી.
Click it and Unblock the Notifications
Sign in with Google
