રાંડ્યા પછીનું ડહાપણ! હવે અમેરિકા તાલિબાન પર પ્રતિબંધ મુકશે?
અફઘાનિસ્તાનમાંથી અમેરિકી સેનાને હટાવ્યા બાદ દરેક તાલિબાનના આતંકને લઈને હવે જો બાઈડનની થુથુ થઈ રહી છે. આ જ કારણ છે કે બે અઠવાડિયાથી ઓછા સમયમાં બાઈડને ત્રણ વખત સ્પષ્ટતા આપવી પડી છે.
અફઘાનિસ્તાનમાંથી અમેરિકી સેનાને હટાવ્યા બાદ દરેક તાલિબાનના આતંકને લઈને હવે જો બાઈડનની થુથુ થઈ રહી છે. આ જ કારણ છે કે બે અઠવાડિયાથી ઓછા સમયમાં બાઈડને ત્રણ વખત સ્પષ્ટતા આપવી પડી છે. જો કે રાષ્ટ્રપતિ બાઈડને એમ પણ કહ્યું છે કે તે તાલિબાન પર પ્રતિબંધો લાદવા પર વિચાર કરશે, જે દર્શાવે છે કે અમેરિકા હવે તાલિબાન સામે કાર્યવાહી કરવાના મૂડમાં છે.
અમેરિકા તાલિબાન પર પ્રતિબંધ મુકવા વિચારશે
અફઘાનિસ્તાન અંગે નીતિ પર ટીકાનો સામનો કરી રહેલા બાઈડને કહ્યું કે, તેનો નિર્ણય તાર્કિક, વ્યાજબી અને યોગ્ય છે. તાલિબાને 15 ઓગસ્ટે યુએસ દળો પાછા ફરે તેના બે અઠવાડિયા પહેલા જ તાલિબાને અફઘાનિસ્તાન પર કબજો કર્યો હતો. યુએસ પ્રશિક્ષિત અફઘાન સૈન્યના જવાનોએ તાલિબાન સામે હાર સ્વીકારી લીધી હતી. હવે અફઘાનિસ્તાનમાં રહેતા હજારો લોકો તાલિબાન શાસનના ડરથી દેશ છોડવાની દોડમાં છે.
બાઈડન સરકાર બેકફૂટ પર
અફઘાનિસ્તાનની પરિસ્થિતિ જોતા બાઈડને વહીવટીતંત્રને વિપક્ષી રિપબ્લિકન પાર્ટીની ટીકાનો સામનો કરવો પડી રહ્યો છે. બાઈડન ફરી એકવાર તેમના નિર્ણય પર અટકી ગયા અને કહ્યું, 'મને લાગે છે કે આ નિર્ણય તાર્કિક, તર્કસંગત અને સાચા નિર્ણય તરીકે ઇતિહાસમાં જોવાશે.
બાઈડન તાલિબાન પર પ્રતિબંધ મૂકશે?
યુએસ પ્રમુખ જો બાઈડને કહ્યું કે તે તાલિબાન સામે પ્રતિબંધો પર વિચાર કરશે. રવિવારે એક પત્રકાર પરિષદમાં જ્યારે તેમને પૂછવામાં આવ્યું કે શું તેઓ અમુક શરતો સાથે તાલિબાન પર પ્રતિબંધોનું સમર્થન કરશે, તો બિડેને કહ્યું કે હા, તે તેના પર વિચાર કરશે.
અફઘાન સરકાર અપેક્ષા કરતા વહેલી પડી ગઈ
ગયા અઠવાડિયે બાઈડને કહ્યું હતું કે તે અફઘાનિસ્તાનમાંથી અમેરિકી દળોને પાછા ખેંચવાના તેમના નિર્ણય પર અડગ છે, પરંતુ તેણે એ પણ સ્વીકાર્યું હતું કે અફઘાનિસ્તાન સરકારનું પતન અપેક્ષા કરતા વધુ ઝડપી હતું.
અફઘાનોને પોતાની લડાઈ પોતે લડવા અપીલ
અગાઉ 11 ઓગસ્ટે બાઈડને તાલિબાનના વધતા પ્રભાવને જોતા અફઘાનોને તેમના દેશ માટે લડવાની અપીલ કરી હતી. તેણે એમ પણ કહ્યું હતું કે, તેને સેના પાછી ખેંચવાના નિર્ણય માટે અફસોસ નથી. બાઈડને વ્હાઇટ હાઉસમાં પત્રકારો સાથેની વાતચીત દરમિયાન કહ્યું હતું કે, અફઘાન નેતાઓએ સાથે આવવું પડશે. તેઓએ પોતાના માટે લડવું પડશે. અમેરિકી રાષ્ટ્રપતિએ એમ પણ કહ્યું કે તેમને અફઘાનિસ્તાનમાંથી સૈનિકો પાછા ખેંચવાનો અફસોસ નથી કારણ કે 20 થી વધુ વર્ષોમાં વોશિંગ્ટને તેના પર 1 ટ્રિલિયન ડોલરથી વધુ ખર્ચ કર્યો છે અને હજારો સૈનિકો ગુમાવ્યા છે.