PM Modi US Visit: અમેરિકી રાષ્ટ્રપતિ જો બાઈડને પીએમ મોદીને ભેટ આપી સ્પેશિયલ ટી-શર્ટ, AI માટે લખ્યો ખાસ મેસેજ

Updated: Saturday, June 24, 2023, 8:38 [IST]

Joe Biden Gift T-shirt to PM Modi: પીએમ મોદીના યુએસ પ્રવાસ દરમિયાન રાષ્ટ્રપતિ જો બાઈડેને તેમને એક ખાસ ભેટ આપી છે. તમને જણાવી દઈએ કે પીએમ મોદીએ સ્ટેટ લંચ કાર્યક્રમ અને વિદેશી ભારતીયોને સંબોધિત કર્યા હતા. અગાઉ ટોચના સીઈઓ સાથે બેઠક કરી હતી.

ત્યારબાદ રાષ્ટ્રપતિ જો બાઈડેને તેમને વ્હાઇટ હાઉસમાં એક ખાસ ટી-શર્ટ ભેટમાં આપી. આ ભેટ ચર્ચાનો વિષય બની છે. પીએમ મોદીને ભેટમાં આપવામાં આવેલી ખાસ ટી-શર્ટ પર AI લખેલું છે.

નોંધનીય છે કે પીએમ મોદીએ યુએસ સંયુક્ત બેઠકમાં કહ્યું હતું કે છેલ્લા કેટલાક વર્ષોમાં આર્ટિફિશિયલ ઈન્ટેલિજન્સ (AI)માં ઘણી પ્રગતિ થઈ છે. તેમણે આ AI નો બીજો અર્થ પણ જણાવ્યો. તેમણે AIને આર્ટિફિશિયલ ઈન્ટેલિજન્સ ને બદલે અમેરિકા ઈન્ડિયા ગણાવ્યું. વડાપ્રધાને કહ્યું કે AI એ વિશ્વનું ભવિષ્ય છે, પછી તે આર્ટિફિશિયલ ઈન્ટેલિજન્સ હોય કે અમેરિકા અને ભારત.

બાઈડેને વ્હાઇટ હાઉસમાં બંને દેશોના ઉદ્યોગ જગતના દિગ્ગજો સાથેની બેઠક દરમિયાન પીએમ મોદીને આ ખાસ ભેટ આપી હતી. આ બેઠક એવા સમયે થઈ છે જ્યારે બંને દેશો હાઈ-ટેક સેક્ટરમાં તેમના સંબંધોને વધુ ગાઢ બનાવવાનું વિચારી રહ્યા છે.

મીટિંગમાં હાજરી આપનારા યુએસ પ્રતિનિધિઓમાં માઇક્રોસોફ્ટના સીઇઓ સત્યા નડેલા, એપલના સીઇઓ ટિમ કૂક, ગૂગલના સીઇઓ સુંદર પિચાઇ, ઓપનએઆઇના સીઇઓ સેમ ઓલ્ટમેન, એએમડીના સીઇઓ લિસા સુ, નાસા અવકાશયાત્રી સુનિતા વિલિયમ્સ સામેલ હતા.

પીએમ મોદીએ સ્ટેટ લંચ પ્રોગ્રામને સંબોધિત કરતા કહ્યું કે સ્ટેટ ડિપાર્ટમેન્ટમાં ફરી એકવાર તમારી સામે આવીને ખૂબ જ આનંદ થઈ રહ્યો છે. તેમણે કહ્યું કે હું આ ભવ્ય સ્વાગત માટે ઉપરાષ્ટ્રપતિ કમલા હેરિસ અને વિદેશ મંત્રી એન્ટની બ્લિંકનનો આભાર માનું છું. તમારા ઉષ્માભર્યા શબ્દો માટે હું તમારો ખૂબ ખૂબ આભાર માનું છું.

પીએમ મોદીએ કહ્યું કે છેલ્લા 3 દિવસમાં મે ઘણી બેઠકોમાં હાજરી આપી. આ બધી બેઠકોમાં એક વાત સામાન્ય હતી કે દરેક વ્યક્તિ એ વાત પર સહમત હતા કે ભારત અને અમેરિકાના લોકો વચ્ચે મિત્રતા અને સહયોગ વધુ ગાઢ બનવો જોઈએ. પીએમ નરેન્દ્ર મોદીએ કહ્યું કે ભારત અને અમેરિકા વચ્ચેના સંબંધોની મધુર માળા આપણા લોકો વચ્ચે ગૂંથાયેલી છે.