ટ્વિટર પર પોપના 70 લાખથી વધુ ફોલોઅર્સ

વેટિકન સિટી, 3 જૂલાઇઃ માત્ર ફિલ્મ સેલિબ્રિટી કે સ્પોર્ટ પર્સનાલિટી કે પછી રાજકારણીઓનો જ ટ્વિટર પર દબદબો નથી, પરંતુ પોપ ફ્રાન્સિસની લોકપ્રિયતાનો જાદૂ ટ્વિટર પર પણ છવાયો છે. ટ્વિટર પર તેમના ફોલોઅર્સની સંખ્યા 70 લાખ, 20 હજાર થઇ ગઇ છે. ટ્વિટર પર પોપના સંદેશ નવ ભાષામાં જારી કરવામાં આવે છે.

સમાચાર એજન્સી અનુસાર મૂળ અર્જેન્ટિનાના પોપ ફ્રાન્સિસના સ્પેનિશ ભાષાના ટ્વિટર ફોલોઅર્સની સંખ્યા સૌથી વધારે(લગભગ 27.3 લાખ) અને અંગ્રેજી ભાષામાં ટ્વિટર ફોલોઅર્સની સંખ્યા લગભગ 20 લાખ, 60 હજાર છે.

પોપે મંગળવારે ટ્વિટર પર લખ્યું કે ઇસા મસીહથી અલગ થઇને આપણે ખ્રિસ્તી નહીં થઇ શકીએ. તે આપણને શક્તિ અને સ્થિરતા પ્રદાન કરે છે અને તેમનાથી આપણને ખુશી અને શાંતિ પણ મળે છે.

English summary

Pope Francis now has more than 7.2 million followers on microblogging website Twitter, where his tweets are published in nine languages.