ફ્રાંસની રાજનીતિમાં ગરમાહટ: રાષ્ટ્રપતિ ઇમેન્યુઅલ મેક્રોનને મોટો ઝટકો, સંસદમાં બહુમતી ગુમાવી

ફ્રાન્સના રાષ્ટ્રપતિ ઈમેન્યુઅલ મેક્રોને રવિવારે સંસદમાં બહુમતી ગુમાવી દીધી હતી. તમને જણાવી દઈએ કે હાલમાં જ યોજાયેલી ચૂંટણીમાં ફ્રાન્સના રાષ્ટ્રપતિ મેક્રોન અને કટ્ટર જમણેરી નેતા લે પેન વચ્ચે કટ્ટર મુકાબલો હતો. પરંતુ એમેન્યુઅલ મેક્રોને મેચ જીતી લીધી હતી. સંસદમાં બહુમતી ગુમાવ્યા બાદ મેક્રોનને પોતાની ખુરશી બચાવવા માટે નવા ગઠબંધન વિશે વિચારવાની ફરજ પડી છે. કારણ કે હવે સત્તામાં રહેવું જરૂરી બની ગયું છે.

મેક્રોન માટે પડકાર જનક સમય

જ્યાં સુધી મેક્રોન અન્ય પક્ષો સાથે જોડાણ કરવા સક્ષમ ન બને ત્યાં સુધી ફ્રાન્સમાં નબળી વિધાનસભાની સંભાવના વધી છે. ફ્રાન્સના રાષ્ટ્રપતિ મેક્રોન અત્યાર સુધી રુસો-યુક્રેન યુદ્ધને રોકવા માટે EUના અગ્રણી રાજનેતા તરીકે મુખ્ય ભૂમિકા ભજવવાનો પ્રયાસ કર્યો છે, તે તેમના પોતાના ઘરમાં જ ઘેરાતા જોવા મળ્યા છે.

ફ્રાંસના રાજકારણમાં ભૂકંપ

મેક્રોન રાષ્ટ્રપતિની ચૂંટણી જીત્યા પછી તેના સાથી પક્ષો સાથે આગામી નેશનલ એસેમ્બલીમાં એકમાત્ર સૌથી મોટો પક્ષ બનાવવાના માર્ગ પર હતા. પરંતુ તાજેતરના વિકાસને ધ્યાનમાં લેતા, તેમનું સમર્થન માત્ર 200-260 બેઠકો છે, જે 289 બેઠકોની બહુમતી કરતાં ઓછી છે.

ફ્રાન્સના રાષ્ટ્રપતિએ ઘણા ચૂંટણી વચનો આપ્યા હતા

માહિતી અનુસાર તાજેતરમાં યોજાયેલી રાષ્ટ્રપતિની ચૂંટણીમાં મોંઘવારી, યુક્રેન પર રશિયાનો હુમલો અને ઇસ્લામ મોટા મુદ્દાઓ તરીકે ઉભરી આવ્યા હતા. મેક્રોને દેશના લોકોને પેન્શનની ઉંમર 62 થી વધારીને 65 વર્ષ કરવા અને બેરોજગારોને સામાજિક સુરક્ષા લાભ આપવા સહિતના ઘણા ચૂંટણી વચનો પણ આપ્યા હતા. પરંતુ તાજેતરની ઘટનાઓએ રાષ્ટ્રપતિ મેક્રોનની તાજેતરની ચૂંટણીની જીતને નિરાશામાં ફેરવી દીધી છે. હવે માત્ર સમય જ કહેશે કે ફ્રાન્સના રાજકારણમાં આગળ શું થશે અને મેક્રોન આગળ શું લેશે. હાલમાં તેમના માટે રાજકીય સંઘર્ષનો સમયગાળો શરૂ થયો છે.

English summary

President Emanuel Macron loses majority in parliament