પેન્શનના પૈસા માટે લાશ લઈને પોસ્ટ ઓફિસ પહોંચ્યા 2 વ્યક્તિ, લાશને કાઉન્ટર લાશ જોઈને..
આયર્લેન્ડના કાર્લો શહેરમાં એક વિચિત્ર ઘટના સામે આવી છે. જ્યારે 2 લોકો મૃત વ્યક્તિને પેન્શન ક્લેમ કરવા માટે જીવિત માણસ બનાવીને પોસ્ટ ઓફિસ લઈ ગયા હતા.
નવી દિલ્હી, 23 જાન્યુઆરી : આયર્લેન્ડના કાર્લો શહેરમાં એક વિચિત્ર ઘટના સામે આવી છે. જ્યારે 2 લોકો મૃત વ્યક્તિને પેન્શન ક્લેમ કરવા માટે જીવિત માણસ બનાવીને પોસ્ટ ઓફિસ લઈ ગયા હતા. પોસ્ટ ઓફિસના કર્મચારીઓને મૃત માણસ જીવતો હોવાનું માની લેવા માટે તેઓએ મૃતદેહને કાઉન્ટર પર જીવંત માણસની જેમ ઉભો કરી દીધો. આઇરિશ ટાઇમ્સના અહેવાલ મુજબ, 21 જાન્યુઆરીના રોજ બે માણસો એક વૃદ્ધનું પેન્શન લેવા માટે સવારે 11.30 વાગ્યે પોસ્ટ ઓફિસમાં આવ્યા હતા. પરંતુ તેણે ના પાડી દીધી, સ્ટાફે તેને જાણ કરી કે પેન્શનરે પૈસા આપવા માટે હાજર રહેવું પડશે. આ પછી આ બંને લોકોએ કરેલા પ્લાનિંગથી પોલીસ પણ ચોંકી ઉઠી છે.
મૃત વ્યક્તિને પેન્શન માટે પોસ્ટ ઓફિસ લઈ ગયા
પોસ્ટ ઓફિસના કર્મચારીઓએ ના પાડ્યા બાદ તે વ્યક્તિ બહાર આવ્યો અને 60 વર્ષના વૃદ્ધની લાશને જીવતા માણસ તરીકે લાવ્યો.તે માણસ તેના એક સાથી સાથે, ટોપી, ચશ્મા અને એવા કપડા પહેરીને એક મૃત શરીર લાવ્યો જેનાથી તે જીવંત દેખાતો હતો. પોસ્ટ ઓફિસના કાઉન્ટર પર તે મૃતદેહને આપીને ઊભો કરવામાં આવ્યો અને યુવાનોએ પેન્શનની ચુકવણીની માંગ કરી હતી. પરંતુ આ દરમિયાન એક મહિલાને શંકા ગઈ. પોસ્ટ ઓફિસના એક કર્મચારીએ સુરક્ષા એલાર્મ વગાડ્યું.
હાર્ટ એટેક આવતો હોવાનું કહીને બન્ને શખ્સો ફરાર
બંને જણાને ફસાઈ જશે એવું લાગતાં જ લાશને ત્યાં જ મૂકીને ભાગી ગયા હતા. જણાવવામાં આવી રહ્યું છે કે મૃતક યુવક તેની લાશ લઈ જઈ રહેલા લોકોને સારી રીતે ઓળખતો હતો. પોલીસે જણાવ્યું હતું કે સ્ટાફને વિશ્વાસ થાય કે તે જીવિત છે તે માટે લાશને કાઉન્ટર પર ઉભી રાખવામાં આવી હતી. પરંતુ જ્યારે તેની પૂછપરછ કરવામાં આવી ત્યારે તેમણે શરીર છોડી દીધું અને દાવો કર્યો કે તેને હાર્ટ એટેક આવ્યો છે.
મહિલાએ કહ્યું- મારી દીકરીએ મૃત વ્યક્તિને લઈ જતા જોયા
પોસ્ટ ઓફિસની નજીક રહેતી એક મહિલાએ જણાવ્યું કે તેની પુત્રીએ બે માણસોને મૃતક વ્યક્તિને બિલ્ડિંગમાં લઈ જતા જોયા હતા. મહિલાએ મીડિયાને કહ્યું કે, તે સમયે તે મારા ઘરેથી નીકળી રહી હતી અને કહ્યું કે તે વ્યક્તિ અસ્વસ્થ જણાતો હતો, કારણ કે તેના પગ જમીન પર નહોતા, તેને બે માણસો ખેંચીને લઈ જઈ રહ્યા હતા.
મેયરે કહ્યું, હું એકદમ આશ્ચર્યચકિત છું
કાર્લોના મેયર કેન મુર્નાએ કહ્યું કે તેઓ આ સમાચાર સાંભળીને આઘાત પામ્યા છે. તેમણે કહ્યું કે, મેં સાંભળ્યું છે કે પોસ્ટ ઓફિસમાં હંગામો થયો છે. હું હંમેશા ત્યાં જઉં છું અને તે ખૂબ જ વ્યસ્ત પોસ્ટ ઓફિસ છે, સામાન્ય રીતે દરવાજાની બહાર કતાર હોય છે. હું વિશ્વાસ કરી શકતો નથી કે કોઈ આવું કંઈક કરશે. પોલીસ તપાસ કરી રહી છે.