આ દેશ ચાંદ પર બનાવવા જઈ રહ્યો છે ઘર, જાણો કેવી રીતે બનાવશે?
ભારતના ચંદ્રયાન 3 મિશનને ચાંદની ધરતી પર ઉતરીને ઇતિહાસ રચ્યો છે ત્યારે હવે એક મોટા સમાચાર સામે આવ્યા છે. અહેવાલો અનુસાર, ચીનના વૈજ્ઞાનિકોએ ચંદ્રની ધરતી પર ઘર બનાવવાની તૈયારીઓ શરૂ કરી છે.
ચીનના રિસર્ચરો લાવા ટ્યુબમાં ર ચંદ્ર પર લાંબા ગાળા માટે સલામત અને સ્થિર ઘર બનાવવાની શક્યતાઓ પર વિચાર કરી રહ્યા છે. આ હોલો પાઇપ-આકારની ટનલ અબજો વર્ષો પહેલા બની હતી.
લાવાના કઠણ ઉપલા સ્તરની નીચે પીગળેલા ખડકો વહેતા હતા ત્યારે આ ટ્યુબ અસ્તિત્વમાં આવી હતી. સમય જતાં ભૂવૈજ્ઞાનિક ગતિવિધીઓની અસર અને ચંદ્રના ધ્રુજારીને કારણે આમાંની કેટલીક નળીઓ તૂટી પડી.
અહેવાલો અનુસાર, એડવાન્સ્ડ સ્પેસ ટેકનોલોજી પર 10મી CSA-IAA કોન્ફરન્સમાં શાંઘાઈ એકેડમી ઓફ સ્પેસફ્લાઇટ ટેક્નોલોજીના ઝાંગ ચોંગફેંગ દ્વારા એક રિસર્ચ રજુ કરાયુ છે. ઝાંગ ચીનના શેનઝોઉ એડિશન સ્પેસક્રાફ્ટ અને ચંદ્ર લેન્ડર્સના ડેપ્યુટી ચીફ ડિઝાઇનર છે.
તેમણે જણાવ્યું કે, આ લાવા ટ્યુબ અતિશય તાપમાન, કિરણોત્સર્ગ અને માઇક્રોમેટિઓરાઇટ અસરો સામે ચંદ્રની સપાટીને મજબૂત રક્ષણ પૂરું પાડે છે.
ઝાંગ અને તેમની ટીમે ચાઇનીઝ નિષ્ણાતો સાથે લાવા ટ્યુબની તેમની સમજણ વધારવા ચીનમાં ઘણી લાવા ગુફાઓમાં ફિલ્ડવર્ક હાથ ધર્યું છે. તેઓને પૃથ્વી અને ચંદ્રની લાવા ટ્યુબ વચ્ચે સમાનતા જોવા મળી છે. જેને વર્ટિકલ એન્ટ્રી ટ્યુબ અને સ્લોપ એન્ટ્રી ટ્યુબમાં વર્ગીકૃત કરી શકાય છે. ચાઇનીઝ સંશોધકોએ પ્રાથમિક સંશોધન લક્ષ્યો તરીકે મેર ટ્રાંક્વિલિટાટીસ અને મેર ફેક્યુન્ડીટીસમાં આ લાવા ટ્યુબ પસંદ કરી છે.
તે લાવા ટ્યુબના પ્રવેશ અને બહાર નીકળવા માટે જરૂરી યોગ્ય વાતાવરણ, ભૂપ્રદેશ અને રચનાની તપાસ કરવા માટે વૈજ્ઞાનિક પેલોડ લઈને જશે. સહાયક ડિટેક્ટર્સ બાયોનિક મલ્ટી-લેગ્ડ ક્રોલિંગ, બાઉન્સિંગ અને રોલિંગ ડિટેક્ટર્સનું સંયોજન કામ પણ કરાશે. વૈજ્ઞાનિકો ટ્યુબની અંદર તાપમાન, કિરણોત્સર્ગ, ચંદ્રની ધૂળ, માટીની રચના અને બરફ માપવા માટે પેલોડ લઈ જશે. ચીન 2030 સુધીમાં ચંદ્ર પર માનવ વસાવવાની તૈયારી કરી રહ્યું છે.
Click it and Unblock the Notifications
Sign in with Google
