Pakistan : વિશ્વ બેંક કહ્યું - પાકિસ્તાન સૌથી નબળી અર્થવ્યવસ્થા, IMFએ રોકી લોન

Pakistan : ઇન્ટરનેશનલ મોનેટરી ફંડ (IMF) એ જરૂરી સુધારા ન કરવાના કારણે પાકિસ્તાનની 1.1 બિલિયન ડોલરની બે લોન મંજૂર કરવાનો નિર્ણય મોકૂફ રાખ્યો છે. જેમાં ઇંધણના ભાવ ન વધારવાનો સમાવેશ થાય છે.World Bank said - Pakistan is the

Pakistan : વિશ્વ બેંકે પાકિસ્તાનને દક્ષિણ એશિયાની સૌથી નબળી અર્થવ્યવસ્થા તરીકે જાહેર કરી છે. વિશ્વ બેંકની ગ્લોબલ ઇકોનોમિક પ્રોસ્પેક્ટર રિપોર્ટ અનુસાર આ વર્ષ પાકિસ્તાનનો આર્થિક વૃદ્ધિ દર ફક્ત 1.7 ટકા રહેશે.

બીજી તરફ જરૂરી સુધારા ન કરવાના કારણે ઇન્ટરનેશનલ મોનેટરી ફંડ (IMF) એ 1.1 બિલિયન ડોલરની બે લોન મંજૂર કરવાનો નિર્ણય મોકૂફ રાખ્યો છે. એક રિપોર્ટ અનુસાર, પાકિસ્તાન સરકારે IMF પાસે મદદ માંગી હતી, પરંતુ તેના બદલામાં IMFએ પેટ્રોલ અને ડીઝલના ભાવ વધારવાની શરત મૂકી હતી.

ઉલ્લેખનીય છે કે, પાકિસ્તાનમાં આ વર્ષે ચૂંટણીને ધ્યાનમાં રાખીને શહેબાઝ શરીફ સરકાર ઈંધણની કિંમતો વધારવા માંગતી નથી.

અત્રે નોંધનીય છે કે, પાકિસ્તાનના વડાપ્રધાન શહબાજ શરીફ છેલ્લા ઘણા દિવસોથી પોતાના દેશની સચ્ચાઇને સ્વીકારી જનતા સમક્ષ સાચી પરિસ્થિતિ જણાવી રહ્યા છે. તાજેતરમાં તેમણે પાકિસ્તાન દ્વારા વારંવાર લોન લેવાની સરખામણી ભિખ માંગવા સાથે કરી હતી.

આ સાથે પાકિસ્તાનના વડાપ્રધાન શહબાજ શરીફે જણાવ્યું હતું કે, આ કારણે શરમ અનુભવવી પડી રહી છે. જે બાદ હવે શહબાજ શરીફે ભારત અંગે નિવેદન આપ્યું છે. શરીફે જણાવ્યું હતું કે, ભારત સાથે 3 યુદ્ધ લડીને પાકિસ્તાને પોતાનો પાઠ ભણી લીધો છે.

English summary

World Bank said - Pakistan is the weakest economy, IMF stopped loans