YouTubeના મુખ્યાલયમાં મહિલાએ કરી ગોળીબારી, 4 ઇજાગ્રસ્ત
કેલિફોર્નિયામાં યૂ ટ્યૂબના મુખ્યાલયમાં એક બંદૂકધારી મહિલાએ ગોળીબારી કરતા ચાર ઇજાગ્રસ્ત. મહિલાએ પોતે પણ કરી ગોળી મારીને આત્મહત્યા. વધુ વાંચો અહીં.
અમેરિકાના કેલિફોર્નિયામાં યૂ ટ્યૂબના મુખ્યાલયમાં એક બંદૂકધારી મહિલાએ ગોળીબારી કરવાની શરૂઆત કરતા ચાર લોકો ઇજાગ્રસ્ત થયા હતા. તે પછી મહિલાએ પોતાની જાતને ગોળી મારી દીધી હતી. અને તેની ઘટના સ્થળે મોત થઇ ગઇ હતી. બંદૂકધારી મહિલાએ જે ચાર લોકોને ગોળી મારી હતી તેમાંથી એક વ્યક્તિ ગોળીબાર કરનાર મહિલાને ઓળખતો હતો. અમેરિકા મીડિયાનું માનીએ તો આ ઇજાગ્રસ્ત યુવક ફાયરિંગ કરનાર મહિલાનો પ્રેમી હતો. સંબંધોમાં મનભેદ થવાના કારણે આક્રોશમાં આવીને મહિલાએ ગોળીબારી કરી હોય તેમ પ્રાથમિક જાણકારીઓથી જાણવા મળ્યું છે.
જો કે હાલ આ તમામ કારણો પર પોલીસ તપાસ કરી રહી છે. ઉલ્લેખનીય છે કે જે બે મહિલાઓ પર હુમલો કરવામાં આવ્યો છે. તેમાંથી એક મહિલાની હાલત હાલ ગંભીર છે. ચાર ઇજાગ્રસ્ત લોકોને પોલીસે પાસેની હોસ્પિટલમાં સારવાર માટે ખસેડ્યા છે. અહીં ડોક્ટર દ્વારા તેમને સારવાર આપવામાં આવી રહી છે. આ ઘટના પછી ગૂગલના સીઇઓ સુંદર પિચાઇએ જણાવ્યું કે તે ઇજાગ્રસ્તો અને તેમના પરિવારની સહાય કરશે. જો કે આ મામલે એક 36 વર્ષીય મહિલાની હાલત ગંભીર છે.