સવિતા એબોર્શન કેસ: ત્રણ ડોક્ટરોને હટાવાયા
આ મામલાની તપાસ માટે સાત સભ્યોવાળી ટીમ બનાવ્યાના થોડા કલાકોની અંદર જ આયર્લેન્ડના પ્રધાનમંત્રી એંડા કૈનીએ સંસદમાં આ ડોક્ટરોને હટાવવાની જાહેરાત કરી. સવિતાના પતિ પ્રવિણ હલપ્પનાવરે તપાસકર્મીઓને પોતાની પત્નીના મેડિકલ રિપોર્ટ બતાવવાનો ઇનકાર કરી દીધો હતો કારણ કે ગૈલવે હોસ્પિટલના ત્રણ ડોક્ટરો આ તપાસ સમિતિમાં સામેલ હતા.
કૈનીએ જણાવ્યું કે 'આ ત્રણ ડોક્ટરો તપાસ સમિતિનો ભાગ નહીં બને. તેમના સ્થાને એ ડોક્ટરોને સામેલ કરવામાં આવશે જેમનો આ હોસ્પિટલ સાથે કોઇ સંબંધ ના હોય.' પ્રધાનમંત્રીએ જણાવ્યું કે આ નિર્ણય સવિતાના પતિ અને પરિવાર પર આ ઘટનાના દુ:ખદ પ્રભવ અને જનહિતને ધ્યાનમાં રાખીને લેવામાં આવ્યો છે. તેમણે આશા વ્યક્ત કરી હતી કે સવિતાના મોત સાથે જોડાયેલી પરિસ્થિતિઓની યોગ્ય તપાસ થઇ શકશે.
Click it and Unblock the Notifications
Sign in with Google
