અવની લેખારાએ 50 મીટર રાઇફલ 3P SH1માં બ્રોન્ઝ મેડલ જીત્યો, પેરાલિમ્પિક્સમાં બે મેડલ જીતનાર પ્રથમ ભારતીય બની
ભારતની ગોલ્ડન ગર્લ અવની લેખારા એક જ પેરાલિમ્પિક્સમાં બે મેડલ જીતનારી દેશની પ્રથમ પેરાલિમ્પિયન બની છે. કારણ કે, અવનીએ વુમેન્સની 50 મીટર રાઇફલ 3P SH1 ફાઇનલમાં બ્રોન્ઝ મેડલ મેળવ્યો છે.
ભારતની ગોલ્ડન ગર્લ અવની લેખારા એક જ પેરાલિમ્પિક્સમાં બે મેડલ જીતનારી દેશની પ્રથમ પેરાલિમ્પિયન બની છે. કારણ કે, અવનીએ વુમેન્સની 50 મીટર રાઇફલ 3P SH1 ફાઇનલમાં બ્રોન્ઝ મેડલ મેળવ્યો છે. લેખારાએ આ અગાઉ મહિલાઓની 10 મીટર એર રાઇફલ સ્ટેન્ડિંગ SH1 ઇવેન્ટમાં ગોલ્ડ મેડલ જીત્યો હતો.
કુલ 149.5 માટે 50.8, 50.3 અને 48.4 ની ત્રણ શ્રેણી રેકોર્ડ કરી
અવનીએ સ્ટેન્ડિંગ પોઝિશનમાં 15 શોટ બાદ અવનીએ કુલ 149.5 પોઈન્ટ એકત્રિત કર્યા હતા. જેણે ચાર્ટમાં 4મો સ્થાન મેળવ્યું હતું. પ્રોન પોઝિશનમાં અવનીએ કુલ 149.5 માટે 50.8, 50.3 અને 48.4 ની ત્રણ શ્રેણી રેકોર્ડ કરી હતી. જે સ્કોર થકી તેના એકંદર રેન્કિંગમાં છઠ્ઠા સ્થાને આવી ગઇ હતી.
અવની સ્ટેન્ડિંગમાં 4મા સ્થાને પહોંચી ગઈ હતી
સ્ટેન્ડિંગ પોઝિશનમાં પ્રથમ બે સિરીઝ બાદ અવની સ્ટેન્ડિંગમાં 4મા સ્થાને પહોંચી ગઈ હતી. યુક્રેનની ઇરિના શ્ચેતનિક સાથે ત્રીજા સ્થાન માટે લડત આપી રહી હતી, તે સમયે લેખારાએ 10.5 નો સ્કોર કર્યો હતો, જ્યારે તેના પ્રતિસ્પર્ધીએ માત્ર 9.9નો સ્કોર કર્યો હતો, જેણે ભારતીય માટે બ્રોન્ઝ મેડલની પુષ્ટિ કરી હતી.
સિલ્વર મેડલ માટે રમતી લેખારાએ 10.2નો સ્કોર કર્યો હતો, જ્યારે તેના ચીની પ્રતિસ્પર્ધી ઝાંગે 10.3નો સ્કોર કર્યો હતો. જે કારણે લેખારાને આ ઇવેન્ટમાં બ્રોન્ઝ મેડલથી સંતોષ માનવો પડ્યો હતો.