Asian Games: ગોલ્ડ જીતીને રોઇ પડી ભારતીય મહિલા ક્રિકેટર, કેમ આંખોમાંથી નિકળ્યા આંસુ
ભારતીય મહિલા ટીમે એશિયન ગેમ્સમાં ક્રિકેટમાં ગોલ્ડ જીતીને ઈતિહાસ રચ્યો હતો. ટીમ ઈન્ડિયાએ ફાઈનલ મેચમાં શ્રીલંકાને 19 રને હરાવીને જોરદાર ધમાલ મચાવી હતી. ભારતીય ટીમે પ્રથમ વખત ગોલ્ડ મેડલ કબજે કર્યો હતો.
ટીમ ઈન્ડિયાની જીતને લઈને સ્મૃતિ મંધાના અને શેફાલી વર્મા તરફથી પ્રતિક્રિયા આવી છે. મંધાનાએ જણાવ્યું કે ગોલ્ડ મેડલ જીત્યા બાદ તે કેવું અનુભવે છે. તેણે નીરજ ચોપરાના ગોલ્ડ મેડલ વિશે વાત કરી અને હવે પોતાના ગોલ્ડ પછી ભારતીય ધ્વજ ઊંચો જતો જોવાની લાગણી શેર કરી હતી.
મંધાનાએ કહ્યું કે અમે નીરજ ચોપરાને ગિલ્ડ મેડલ જીતતા જોયા છે. હવે ભારતનો રાષ્ટ્રધ્વજ ઊંચો જતો જોઈને મારી આંખમાં આંસુ આવી ગયા. રાષ્ટ્રગીત વાગી રહ્યું હતું અને ધ્વજ લહેરાતો હતો. તે એકદમ ખાસ હતું. સુવર્ણ ચંદ્રક એ સુવર્ણ ચંદ્રક છે, હું ખુશ છું કે અમે આજે અમારું સર્વશ્રેષ્ઠ આપ્યું.
શેફાલી વર્માએ કહ્યું કે અમે જીતવા માટે સખત મહેનત કરી હતી અને તે સારું લાગે છે. અમે વિજય નોંધાવવામાં સફળ રહ્યા છીએ, તેથી અમે ખુશ છીએ. બધાએ અમને ટેકો આપ્યો, આ માટે સમગ્ર દેશનો આભાર. જો અમને ઓલિમ્પિકમાં તક મળશે તો અમે ત્યાં પણ ગોલ્ડ મેડલ માટે આપણું સર્વસ્વ આપીશું.
ઉલ્લેખનીય છે કે ફાઈનલ મેચની ધીમી પીચ પર ટીમ ઈન્ડિયાએ સારી બેટિંગ કરી હતી. જોકે સ્કોર વધારે ન હતો, પરંતુ શ્રીલંકાની ટીમને 118 રનનો ટાર્ગેટ આપવામાં આવ્યો હતો. ધીમી વિકેટ પર આટલો સ્કોર બનાવવો સરળ કામ નહોતું. આવું જ શ્રીલંકન ટીમ સાથે થયું છે.
#WATCH | Hangzhou, China | Shafali Verma, member of the Gold-winning Indian Women's Cricket Team at the Asian Games says, "Of course, it feels great because we work hard to win. We won and we are delighted. We feel proud. Thanks to India for all the support...If (we get an… pic.twitter.com/HESBJ3NoFG
— ANI (@ANI) September 25, 2023
શ્રીલંકાની ટીમ 20 ઓવર રમીને 8 વિકેટે 97 રન બનાવી શકી હતી. આ રીતે ભારતીય ટીમે 19 રનથી મેચ જીતીને ગોલ્ડ મેડલ પર કબજો કર્યો હતો. ટીમ ઈન્ડિયાએ સેમિફાઈનલ મેચમાં બાંગ્લાદેશને હરાવી ફાઇનલમાં જગ્યા બનાવી લીધી છે.
Click it and Unblock the Notifications
Sign in with Google
