CSK vs GT: જીતના ઇરાદા સાથે મેદાનમાં ઉતરશે ગુજરાત અને ચેન્નાઇ, આવી હશે પ્લેઇંગ 11
CSK vs GT: IPL 2024 વર્તમાન ચેમ્પિયન ચેન્નાઇ સુપર કિંગ્સ અને ગુજરાત ટાઇન્ટસ વચ્ચે આજે મેચ રમાશે. આ મેચમાં શુભમન ગિલ અને ઋતુરાજ ગાયકવાડની કેપ્ટનશિપની કસોટી થશે. આ બંને કેપ્ટન ઓપનિંગ બેટ્સમેન પણ છે, અને હાર્ડ હિટિંગ માટે જાણીતા છે. આ મેચમાં તેમની રણનિતિ પર તમામની નજર રહેશે. બંને ટીમ પોતાની પહેલી મેચ જીતી ચુકી છે.
સુપ્રસિદ્ધ મહેન્દ્ર સિંહ ધોનીએ IPL પહેલા ગાયકવાડને સુકાનીપદ સોંપ્યું હતું, જેમણે રોયલ ચેલેન્જર્સ બેંગ્લોર (RCB) સામે તેમની નેતૃત્વ કુશળતા સારી રીતે દર્શાવી હતી. હાર્દિક પંડ્યાના મુંબઈ ઈન્ડિયન્સમાં જોડાયા બાદ કપ્તાની સંભાળનાર શુભમન ગિલે પણ પોતાના પૂર્વ કેપ્ટનની સામે આ નવી ભૂમિકામાં સારું પ્રદર્શન કર્યું અને પોતાની ટીમને જીત અપાવવામાં મહત્વની ભૂમિકા ભજવી. ગિલ હાલમાં 24 વર્ષનો છે, અને IPLનો સૌથી યુવા કેપ્ટન છે.
મુખ્ય કોચ આશિષ નેહરા, જે વ્યૂહાત્મક કુશળતામાં પારંગત છે, અને અનુભવી ડેવિડ મિલર અને કેન વિલિયમસનની હાજરીથી તેમનું કાર્ય સરળ બને છે. બીજી તરફ, ગાયકવાડને ધુરંધર ધોનીનો સપોર્ટ મળે છે. ગાયકવાડના નેતૃત્વમાં, તેઓએ ચેન્નાઈમાં પ્રથમ મેચમાં RCBને 6 વિકેટથી હરાવીને તેમના અભિયાનની શાનદાર શરૂઆત કરી હતી.
ચેન્નાઈની છેલ્લી મેચમાં ફાસ્ટ બોલર તુષાર દેશપાંડેએ ઘણા રન આપ્યા હતા. તેણે ટીમમાં પોતાનું સ્થાન જાળવી રાખવા માટે સારું પ્રદર્શન કરવું પડશે. કારણ કે, શાર્દુલ ઠાકુર અને મુકેશ કુમાર પ્લેઈંગ ઈલેવનમાં સ્થાન મેળવવાના પ્રબળ દાવેદાર છે. ચેન્નાઈ માટે સારી વાત એ રહી કે, બાંગ્લાદેશના ફાસ્ટ બોલર મુસ્તાફિઝુર રહેમાને સારું પ્રદર્શન કર્યું હતું.
ચેન્નાઈ તેના બેટિંગ ક્રમમાં કોઈ ફેરફાર કરે તેવી શક્યતા નથી. બીજી તરફ ગુજરાત ટાઇટન્સે જો મેચ જીતવી હોય, તો તેના બેટ્સમેનોએ સારું પ્રદર્શન કરવું પડશે. મુંબઈ સામેની છેલ્લી મેચમાં તેના બેટ્સમેનો સારી શરૂઆતને મોટા સ્કોરમાં ફેરવી શક્યા ન હતા. જોકે, તેના બોલરોએ સારું પ્રદર્શન કર્યું હતું, જેના કારણે ટીમ મેચ જીતવામાં સફળ રહી હતી.
ચેન્નાઈ સુપર કિંગ્સની સંભવિત પ્લેઇંગ 11 - ઋતુરાજ ગાયકવાડ (કેપ્ટન), રચિન રવિન્દ્ર, અજિંક્ય રહાણે, ડેરીલ મિશેલ, રવિન્દ્ર જાડેજા, સમીર રિઝવી, એમએસ ધોની (વિકેટકીપર), દીપક ચહર, મહેશ તિક્ષાના, મુસ્તફિઝુર રહેમાન, તુષાર દેશપાંડે.
ગુજરાત ટાઇટન્સની સંભવિત પ્લેઇંગ 11 - શુભમન ગિલ (કેપ્ટન), રિદ્ધિમાન સાહા (વિકેટકીપર), સાઈ સુદર્શન, વિજય શંકર, ડેવિડ મિલર, અઝમતુલ્લા ઓમરઝાઈ, રાહુલ તેવટિયા, રાશિદ ખાન, ઉમેશ યાદવ, સાઈ કિશોર, સ્પેન્સર જોન્સન.
IPL 2024 માટેની ચેન્નાઈ સુપર કિંગ્સની ટીમ - ઋતુરાજ ગાયકવાડ (કેપ્ટન), એમએસ ધોની (વિકેટકીપર), મોઈન અલી, દીપક ચહર, તુષાર દેશપાંડે, શિવમ દુબે, રાજવર્ધન હંગરકર, રવિન્દ્ર જાડેજા, અજય મંડલ, મુકેશ ચૌધરી, અજિંક્ય રહાણે, શેખ રશીદ, મિશેલ, સિમ્નર, સીમરજીત સિંહ, નિશાંત સિંધુ, પ્રશાંત સોલંકી, મહેશ થીક્ષાના, રચિન રવિન્દ્ર, શાર્દુલ ઠાકુર, ડેરીલ મિશેલ, સમીર રિઝવી, મુસ્તફિઝુર રહેમાન, અને અરવલ્લી અવનીશ રાવ (વિકેટકીપર).
IPL 2024 માટેની ગુજરાત ટાઇટન્સની ટીમ - શુભમન ગિલ (કેપ્ટન), ડેવિડ મિલર, મેથ્યુ વેડ, રિદ્ધિમાન સાહા, કેન વિલિયમસન, અભિનવ મનોહર, સાઈ સુદર્શન, દર્શન નલકાંડે, વિજય શંકર, જયંત યાદવ, રાહુલ તેવટિયા, નૂર અહેમદ, સાઈ કિશોર, રાશિદ ખાન, જોશુઆ લિટલ, મોહિત શર્મા, અઝમતુલ્લા ઓમરઝાઈ, ઉમેશ યાદવ, શાહરૂખ ખાન, સુશાંત મિશ્રા, કાર્તિક ત્યાગી, માનવ સુથાર, સ્પેન્સર જોન્સન, સંદીપ વોરિયર, બીઆર શરથ.
Click it and Unblock the Notifications
Sign in with Google
