ખરાબ ફેંસલાથી નિરાશ છે વિરાટ, રાજસ્થાન સામે કરી શકે છે આ બદલાવ

કિંગ્સ ઇલેવન પંજાબ સામેની મેચમાં વિરાટ કોહલીએ ડી વિલિયર્સને લઈને ખૂબ જ ખરાબ નિર્ણય લીધા હતા. વિરાટ કોહલીને રાજસ્થાન રોયલ્સ સામે મહત્વપૂર્ણ ફેરફાર કરવાની જરૂર પડી શકે છે. ગુરુવારે રમાયેલી ઈન્ડિયન પ્રીમિયર લીગ મેચમાં આરસીબીને કિંગ્સ ઇલેવન પંજાબ તરફથી હારનો સામનો કરવો પડ્યો. આ મેચમાં વિરાટ કોહલીએ ટીમના સ્ટાર બેટ્સમેન એબી ડી વિલિયર્સને છઠ્ઠા નંબર પર બેટિંગ કરવા મોકલ્યો હતો. વિરાટ કોહલીના આ નિર્ણયની ઘણી ટીકા થઈ રહી છે. આવી સ્થિતિમાં એબી ડી વિલિયર્સ પહેલાની જેમ રાજસ્થાન રોયલ્સ સામે ચોથા નંબરે બેટિંગ કરવા ઉતરવાની સંભાવના છે.

પીટરસને ઉઠાવ્યા સવાલ

પંજાબ સામેની મેચ પહેલા ડી વિલિયર્સે કોલકાતા નાઈટ રાઇડર્સ સામે મુશ્કેલ પિચ પર 33 બોલમાં અણનમ 73 રન બનાવ્યા હતા. વોશિંગ્ટન સુંદર અને શિવમ દુબેને તેમની પહેલાં પંજાબ સામે મોકલવામાં આવ્યા હતા. ઇંગ્લેન્ડના પૂર્વ ખેલાડી પીટરસને કોહલીના નિર્ણય અંગે સવાલો ઉઠાવ્યા હતા. તેણે કહ્યું, "ડી વિલિયર્સ 15 વર્ષથી ક્રિકેટ રમી રહ્યો છે. તે તમામ પ્રકારના બોલરો સામે રમ્યો છે. તમારા શ્રેષ્ઠ બેટ્સમેને શક્ય તેટલા વધુ બોલ રમવા જોઇએ. જો તે 24-25 બોલમાં રમે છે, જે તે બે બેટ્સમેનોએ રમી હતી, તો પછી તે બોલ મેદાનની બહાર જતી."

સુનિલ ગાવસ્કરે કોહલીના નિર્ણયની કરી ટીકા

કિંગ્સ ઇલેવન પંજાબ સામે ડીસીવિલિયર્સ મોડેથી મોકલવાની આરસીબીની વ્યૂહરચના કામ કરી શકી ન હતી. ડી વિલિયર્સ છઠ્ઠા નંબર પર બેટિંગ કરવા આવ્યો હતો અને માત્ર બે રન બનાવી શક્યો હતો. સુનિલ ગાવસ્કરે પણ કોહલીના નિર્ણયની ટીકા કરતા કહ્યું હતું કે પહેલા દુબેને મોકલીને, આરસીબીએ ડીવિલિયર્સને બે ઓવર ઓછી રમવાનો મોકો આપ્યો હતો.

કોહલીએ કર્યો પોતાનો બચાવ

જોકે, વિરાટ કોહલીએ પોતાના નિર્ણયનો બચાવ કર્યો હતો. કોહલીએ કહ્યું કે તે ડાબી અને જમણી બાજુનું સંયોજન જાળવવા માંગે છે. પરંતુ કિંગ્સ ઇલેવન પંજાબ સામે આ પ્રયોગ સફળ ન થયા પછી, ડી વિલિયર્સ તેની પૂર્વ નિર્ધારિત ચોથા નંબર પર રમવાની સંભાવના છે. આરસીબી શનિવારે રાજસ્થાન રોયલ્સ સાથે ટકરાશે.