ICC ODI World Cup 2023 : ભારતીય ટીમમાંથી બહાર છે 9 ઘાતક ખેલાડી
ICC ODI World Cup 2023 : વર્લ્ડ કપ 2023 માટે ટીમ ઇન્ડિયાની જાહેરાત થઇ ચૂકી છે. ગત વર્લ્ડ કપમાં ભારતીય ટીમ સેમીફાઇનલ સુધી પહોંચ્યું હતું. જ્યા ટીમ ઇન્ડિયાને ન્યૂઝીલેન્ડ સામે હારનો સામનો કરવો પડ્યો હતો.
ગત વર્લ્ડ કપ બાદ આ વખતે ભારતીય ટીમમાં ઘણા મોટા ફેરફારો થયા છે. ગત વર્લ્ડ કપમાં વિરાટ કોહલી કેપ્ટન હતો અને રોહિત શર્મા વાઇસ કેપ્ટન હતો.
આ વખતે કેપ્ટનશિપની જવાબદારી રોહિત શર્માને સોંપવામાં આવી છે. આ સાથે જ હાર્દિક પંડ્યાને વાઇસ કેપ્ટન બનાવવામાં આવ્યો છે. ટીમમાં ઘણા એવા ખેલાડીઓ છે, જે ગત વર્લ્ડ કપમાં ટીમનો ભાગ હતા, પરંતુ આ વખતે તેઓ ભારતીય ટીમમાંથી બહાર થઈ ગયા છે.
ગત વર્લ્ડ કપમાં રમનારા 9 ખેલાડીઓ આ વખતે વર્લ્ડ કપમાં ટીમ ઈન્ડિયાનો ભાગ નથી. આ ખેલાડીઓને બહારનો રસ્તો દેખાડવામાં આવ્યો છે. મહેન્દ્ર સિંહ ધોની 15 ઓગસ્ટ, 2020ના રોજ નિવૃત્ત થયા છે.
આવા સમયે મયંક અગ્રવાલ, શિખર ધવન, કેદાર જાધવ, દિનેશ કાર્તિક અને ભુવનેશ્વર કુમાર ખરાબ ફોર્મ સાથે સંઘર્ષ કરી રહ્યા હતા. તેથી જ આ ખેલાડીઓને સ્થાન મળ્યું નથી. તેમની જગ્યાએ યુવા ખેલાડીઓને તક આપવામાં આવી છે. સ્ટાર વિકેટકીપર બેટ્સમેન રિષભ પંત ગયા વર્ષે માર્ગ અકસ્માતમાં ઘાયલ થયો હતો અને તે ઈજામાંથી સાજો થઈ રહ્યો છે.
આ 9 ખેલાડીઓને ન મળ્યું સ્થાન - મયંક અગ્રવાલ, દિનેશ કાર્તિક, ઋષભ પંત, મહેન્દ્ર સિંહ ધોની, શિખર ધવન, કેદાર જાધવ, વિજય શંકર, ભુવનેશ્વર કુમાર, યુઝવેન્દ્ર ચહલ
ODI વર્લ્ડ કપ 2019 માટે ભારતીય ટીમ - વિરાટ કોહલી (કેપ્ટન), રોહિત શર્મા (વાઈસ-કેપ્ટન), મયંક અગ્રવાલ, મહેન્દ્ર સિંહ ધોની, દિનેશ કાર્તિક, ઋષભ પંત, કેએલ રાહુલ, શિખર ધવન, રવિન્દ્ર જાડેજા, કેદાર જાધવ, વિજય શંકર, હાર્દિક પંડ્યા, જસપ્રિત બુમરાહ, ભુવનેશ્વર કુમાર, મોહમ્મદ શમી, કુલદીપ યાદવ, યુઝવેન્દ્ર ચહલ
છેલ્લા 10 વર્ષથી ટીમ ઇન્ડિયાએ ICC ટ્રોફી જીતી નથી - ODI વર્લ્ડ કપ 2023 5 ઓક્ટોબરથી ભારતની ધરતી પર શરૂ થવાનો છે. ક્રિકેટના મહાકુંભ માટે ચાહકો ખૂબ જ ઉત્સાહિત છે. ટીમ ઈન્ડિયાએ છેલ્લે મહેન્દ્ર સિંહ ધોનીની કેપ્ટન્સીમાં આઈસીસી ટ્રોફી જીતી હતી.
ભારતે 2013માં ચેમ્પિયન્સ ટ્રોફી જીતી હતી, પરંતુ ત્યારથી ટીમ ઈન્ડિયા એક પણ આઈસીસી ટ્રોફી જીતી શકી નથી. આ વખતે ODI વર્લ્ડ કપ ભારતની ધરતી પર રમાઈ રહ્યો છે. આ કારણે ટીમ ઈન્ડિયા ટાઈટલ જીતવાની પ્રબળ દાવેદાર છે. ભારતીય ટીમમાં યુવા અને અનુભવી ખેલાડીઓને તક મળી છે.
ODI વર્લ્ડ કપ 2023 માટે ભારતીય ટીમ : રોહિત શર્મા (કેપ્ટન), હાર્દિક પંડ્યા (વાઈસ-કેપ્ટન), શુભમન ગિલ, વિરાટ કોહલી, શ્રેયસ ઐયર, કેએલ રાહુલ, ઈશાન કિશન, રવિન્દ્ર જાડેજા, અક્ષર પટેલ, સૂર્યકુમાર યાદવ, શાર્દુલ ઠાકુર, જસપ્રિત બુમરાહ, મોહમ્મદ શમી, મોહમ્મદ સિરાજ, કુલદીપ યાદવ
Click it and Unblock the Notifications
Sign in with Google
