IND W vs IRE W: વર્લ્ડકપમાં ભારત માટે કરો યા મરોનો મુકાબલો, જાણો સંભવિત પ્લેઇંગ ઇલેવન

ભારતની છેલ્લી ગ્રુપ મેચ આયર્લેન્ડ સાથે થવાની છે. સેમીફાઈનલમાં જગ્યા બનાવવા માટે ભારત માટે આ મેચ જીતવી ખૂબ જ જરૂરી છે.

મહિલા T20 વર્લ્ડ કપમાં ભારતીય ટીમે 20 ફેબ્રુઆરી સોમવારના રોજ ખૂબ જ મહત્વપૂર્ણ મેચ રમવાની છે. ટી-20 વર્લ્ડ કપની સેમિફાઇનલમાં પહોંચવા માટે ભારતે કોઈપણ કિંમતે આ મેચ જીતવી પડશે. ઈંગ્લેન્ડના હાથે હાર બાદ ભારત માટે આયર્લેન્ડ સામે કરો યા મરો મેચ બની ગઈ છે. ભારતે વર્લ્ડ કપની શરૂઆત શાનદાર રીતે કરી હતી. ભારતે પહેલા પાકિસ્તાન અને પછી વેસ્ટ ઈન્ડિઝને હરાવ્યું હતું.

ભારત અને આયર્લેન્ડ વચ્ચે જબરદસ્ત મુકાબલો

ગેકેબરહાના સેન્ટ જ્યોર્જ પાર્કમાં આયર્લેન્ડ સામે ભારતીય ટીમ જીતના ઈરાદા સાથે મેદાનમાં ઉતરશે. જો ભારતે સેમિફાઇનલમાં પહોંચવું હોય તો ટીમે આ મેચ જીતવી પડશે. બીજી તરફ જો ટીમને આયર્લેન્ડ સામે હારનો સામનો કરવો પડશે તો ટીમ વર્લ્ડ કપમાંથી બહાર થઈ જશે. વેસ્ટ ઈન્ડિઝ અને પાકિસ્તાનની નજર પણ આ મેચ પર કેન્દ્રિત રહેશે. જો ભારત અહીં હારી જશે તો આ બંને ટીમો માટે સેમિફાઈનલના દરવાજા ખુલી જશે.

આયર્લેન્ડ વર્લ્ડ કપમાંથી બહાર થઈ ગયુ

આયર્લેન્ડની વાત કરીએ તો પ્રથમ ત્રણ મેચ હાર્યા બાદ ટીમ પહેલેથી જ વર્લ્ડ કપમાંથી બહાર થઈ ગઈ છે. પરંતુ આયરલેન્ડની ટીમ ભારત સામે મોટો અપસેટ સર્જી શકે છે. રિચા ઘોષ ભારત માટે રન બનાવવાનું ચાલુ રાખે છે. આવી સ્થિતિમાં ચાહકોની નજર ફરી એકવાર રિચા ઘોષ પર કેન્દ્રિત થશે. રિચાએ ત્રણ મેચમાં 141.86ની સ્ટ્રાઈક રેટથી 122 રન બનાવ્યા છે. તે ઈંગ્લેન્ડ સામે 47 રન બનાવીને અણનમ રહી હતી, પરંતુ ટીમને જીત અપાવી શકી નહોતી.

આ રીતે તમે લાઈવ મેચ જોઈ શકો છો

ભારત અને આયર્લેન્ડ વચ્ચે મહિલા T20 વર્લ્ડ કપની મેચ 20 ફેબ્રુઆરી (સોમવાર)ના રોજ રમાશે. આ મેચ પાર્લના સેન્ટ જ્યોર્જ પાર્કમાં રમાશે. મેચ ભારતીય સમય અનુસાર સાંજે 6.30 કલાકે શરૂ થશે. સ્ટાર સ્પોર્ટ્સ નેટવર્ક પાસે મેચના પ્રસારણના અધિકારો છે. સ્ટાર સ્પોર્ટ્સની વિવિધ ચેનલો પર તમે હિન્દી અને અંગ્રેજી સિવાય દેશની અન્ય ભાષાઓમાં કોમેન્ટ્રી સાથે આ મેચ જોઈ શકો છો. જ્યારે મેચનું લાઈવ સ્ટ્રીમિંગ Hotstar એપ પર જોઈ શકાશે.

સંભવિત પ્લેઇંગ ઇલેવન જાણો

ભારત: શેફાલી વર્મા, સ્મૃતિ મંધાના, જેમિમા રોડ્રિગ્ઝ, હરમનપ્રીત કૌર (કેપ્ટન), રિચા ઘોષ (વિકેટકીપર), શિખા પાંડે, દિપ્તી શર્મા, પૂજા વસ્ત્રાકર, રાધા યાદવ, રાજેશ્વરી ગાયકવાડ, રેણુકા ઠાકુર સિંહ.

આયર્લેન્ડ: એમી હન્ટર, ગેબી લેવિસ, ઓર્લા પ્રેન્ડરગાસ્ટ, લૌરા ડેલાની (સી), ઈમર રિચાર્ડસન, લેવિસ લિટલ, મેરી વોલ્ડ્રોન (ડબલ્યુકે), લેહ પોલ, આર્લેન કેલી, કારા મુરે, જેન મેગુયર.

English summary

IND W vs IRE W: Do-or-die match for India in World Cup, Know the likely playing XI