IND vs PAK: ક્રિકેટર્સ અને તેમની લવ સ્ટોરી જે બહુ થઇ ફેમસ, જાણો

આ એક સુખદ પાસું છે કે મેચમાં નિષ્ફળ જવા છતાં ભારતના સ્ટાર બેટ્સમેન વિરાટ કોહલીનો પાકિસ્તાની છોકરીઓમાં જબરદસ્ત ક્રેઝ છે. એશિયા કપની ભારત-પાકિસ્તાન મેચ બાદ જે રીતે એક પાકિસ્તાની યુવતી ખુલ્લેઆમ કહેતી જોવા મળી હતી કે તે વિરાટ કોહલીને જોવા માટે જ શ્રીલંકા આવી છે.

તેનાથી અંદાજ લગાવી શકાય છે કે સરહદની બીજી બાજુની છોકરીઓમાં 'ચીકુ' કેટલો લોકપ્રિય છે. પાકિસ્તાનની જાણીતી મોડલ અને અભિનેત્રી મથિરાએ પણ કોહલી પ્રત્યે પોતાનો જુસ્સો વ્યક્ત કર્યો છે. કંદીલ બલોચે પણ વિરાટ માટે પોતાનો પ્રેમ વ્યક્ત કર્યો હતો.

એશિયા કપ 2023માં ભારત અને પાકિસ્તાન વચ્ચેની મેચ વરસાદના કારણે રદ કરવામાં આવી હતી. આ મેચમાં બધાની નજર સ્ટાર બેટ્સમેન વિરાટ કોહલી પર હતી, પરંતુ કોહલી કંઈ ખાસ કરી શક્યો ન હતો અને વહેલો આઉટ થઈ ગયો હતો. જેના કારણે તેના ચાહકોનું દિલ તૂટી ગયું હતું. ચાહકોની આ યાદીમાં પાકિસ્તાનની તે સુંદર યુવતી પણ સામેલ છે.

વાયરલ વીડિયોમાં પાકિસ્તાની યુવતી કહેતી સંભળાય છે કે તે વિરાટ કોહલીની મોટી ફેન છે અને તેના માટે જ મેચ જોવા આવી હતી. તેણે કહ્યું - હું તેમને જોવા માંગતી હતી. હું તેની પાસેથી સદીની અપેક્ષા રાખતી હતી, પરંતુ મારું દીલ તૂટી ગયું હતું. કોહલીની ક્રેઝી છોકરીના ગાલ પર પાકિસ્તાન અને ભારત બંનેના ધ્વજ હતા.

ભારત અને પાકિસ્તાનના ક્રિકેટરો માટે એકબીજાના દેશની છોકરીઓ પાગલ હોવાનો આ કોઈ નવો કિસ્સો નથી. આ પહેલા પણ ઘણા પાકિસ્તાની ક્રિકેટરો ભારતીય છોકરીઓ સાથે લગ્ન કરી ચુક્યા છે, જ્યારે ઘણી પાકિસ્તાની યુવતીઓએ ખુલ્લેઆમ ભારતીય ખેલાડીઓ પ્રત્યે પોતાનો જુસ્સો બતાવ્યો છે. આના ઘણા ઉદાહરણો છે.

ઝહીર અબ્બાસ-રીટા લુથરા

90ના દાયકામાં એશિયાના બ્રેડમેન તરીકે ઓળખાતા પાકિસ્તાની ક્રિકેટર ઝહીર અબ્બાસ લંડનમાં ભારતીય મહિલા રીટા લુથરાને મળ્યા હતા. બંને મિત્રો બની ગયા અને પછી ક્યારે એકબીજાના પ્રેમમાં પડ્યા તેની ખબર જ ના પડી. રીટા લુથરા તેને એક ફેન તરીકે મળ્યા અને પછી 1988માં બંનેએ લાંબી મિત્રતા બાદ લગ્ન કરી લીધા.

રીટા લુથરાએ પણ અબ્બાસ સાથે લગ્ન કરવા માટે પોતાનો ધર્મ બદલી નાખ્યો અને તેનું નામ બદલીને સમીના અબ્બાસ રાખવામાં આવ્યું. બંને હાલ કરાચીમાં રહે છે. સમીનાનો પોતાનો ઈન્ટિરિયર ડિઝાઈનિંગનો બિઝનેસ છે.

મોહસીન ખાન-રીના રોય

પાકિસ્તાનના પ્રખ્યાત ટેસ્ટ ક્રિકેટર અને હેન્ડસમ પ્લેયર મોહસીન ખાને પણ એક ભારતીય છોકરી સાથે લગ્ન કર્યા છે. આ છોકરી બીજું કોઈ નહીં પણ પ્રખ્યાત ભારતીય સિનેમા અભિનેત્રી રીના રોય હતી.

રીના રોય પણ મોહસીનને એક ક્રેઝી ફેન તરીકે મળી હતી. બંને પ્રેમમાં પડ્યા અને વર્ષ 1983માં મોહસીન અને રીનાએ લગ્ન કરી લીધા. જો કે, વર્ષ 1990 સુધીમાં બંનેએ એકબીજાને છૂટાછેડા આપી દીધા હતા.

પાકિસ્તાન ક્રિકેટ ટીમના પૂર્વ કેપ્ટન શોએબ મલિકે 2010માં ભારતીય ટેનિસ ખેલાડી સાનિયા મિર્ઝા સાથે લગ્ન કર્યા હતા. જો કે મલિકે સાનિયા સાથે લગ્ન કરતા પહેલા વર્ષ 2000માં આયેશા સિદ્દીકી સાથે લગ્ન કર્યા હતા, પરંતુ સાનિયા સાથે લગ્ન કરતા પહેલા તેણે પોતાની પ્રથમ પત્નીને છૂટાછેડા આપી દીધા હતા.

બંને પોતપોતાના ક્ષેત્રમાં મહાન ખેલાડી છે અને લગ્ન પછી પણ બંનેએ પોતપોતાની રમત ચાલુ રાખી હતી. હવે શોએબ અને સાનિયાને ઈઝાન નામનો પુત્ર પણ છે. હવે બંને વચ્ચે છૂટાછેડાના સમાચાર છે.

પાકિસ્તાનના ફાસ્ટ બોલર હસન અલીએ વર્ષ 2019માં ભારતના હરિયાણાના મેવાત જિલ્લાની રહેવાસી શામિયા આરઝૂ સાથે લગ્ન કર્યા હતા. શામિયા આરજુ વ્યવસાયે ફ્લાઇટ એન્જિનિયર છે. હસન અને શામિયા આરઝૂની પહેલી મુલાકાત દુબઈમાં થઈ હતી. જે બાદ બંને વચ્ચે નિકટતા વધી, ત્યારબાદ હસન અલી અને શામિયાએ પરિવારની સહમતિથી ઓગસ્ટ 2019માં દુબઈમાં લગ્ન કર્યા.

શામિયા એક ભદ્ર પરિવારની છે. તેમના પિતાનું નામ લિયાકત અલી છે, જેઓ બ્લોક ડેવલપમેન્ટ ઓફિસરના પદ પરથી નિવૃત્ત થયા છે અને ફરીદાબાદમાં રહે છે. શામિયાને નાનપણથી જ ક્રિકેટ પ્રત્યે પ્રેમ અને લગાવ હતો અને કદાચ આ જ કારણે તે હસન અલી સાથે લગ્ન કરવા રાજી થઈ ગઈ હતી.

જો કે, ભારતીય ખેલાડીઓએ કોઈ પાકિસ્તાની છોકરી સાથે લગ્ન કર્યા નથી, પરંતુ તેમના પ્રત્યેના મોહની ચર્ચાઓ અવારનવાર સોશિયલ મીડિયા પર વાયરલ થાય છે. પાકિસ્તાનમાં છોકરીઓને ભારત જેટલી સ્વતંત્રતા નથી. તેમ છતાં પાકિસ્તાની યુવતીઓ ભારતીય ક્રિકેટરોના પ્રેમમાં પડવાના સમાચાર આવતા રહે છે.

2017માં ભારતીય અભિનેતા રણબીર કપૂર અને પાકિસ્તાની અભિનેત્રી માહિરા ખાનની એક સાથે તસવીરો સામે આવી હતી. ત્યારબાદ માહિરાને પાકિસ્તાનમાં ઘણી ટ્રોલ કરવામાં આવી હતી.

વર્ષ 2017માં બંને ન્યૂયોર્કની એક હોટલમાં સાથે જોવા મળ્યા હતા, જ્યાં બંને સાથે સ્મોકિંગ કરતા જોવા મળ્યા હતા. આ પછી માહિરા ખાને રણબીર સાથેના સંબંધો વિશે ખુલીને કશું કહ્યું નથી. કારણ કે, તેને ડર હતો કે જો તે કંઈ પણ બોલશે તો ટ્રોલર્સ તેને જીવવા નહીં દે.

ભારતીય ફાસ્ટ બોલર મોહમ્મદ શમી પણ પાકિસ્તાની યુવતી સાથે રિલેશનશિપમાં હોવાની ચર્ચા હતી. શમીની પત્ની હસીન જહાંએ તે યુવતી પર ગંભીર આરોપ લગાવ્યા હતા. હિન્દુસ્તાન ટાઈમ્સના અહેવાલ મુજબ, પાકિસ્તાની છોકરી 'અલિશબા'એ મોહમ્મદ શમીને માત્ર એક સારો મિત્ર કહ્યો હતો. તેણે સ્વીકાર્યું કે તેઓ સંપર્કમાં હતા અને દુબઈમાં મળ્યા હતા. જોકે, ભારતીય ક્રિકેટરો મેચ ફિક્સિંગ, હનીટ્રેપ અને સુરક્ષાના કારણોસર પાકિસ્તાની યુવતીઓને ટાળે છે.

English summary

IND vs PAK: Cricketers and their love story which became very famous, know