IND vs SA : સંજુ સેમસન-તિલક વર્માની ધમાકેદાર સદી, ભારતનો સ્કોર 280 પાર
IND vs SA : ભારત અને દક્ષિણ આફ્રિકા વચ્ચે રમાઈ રહેલા ત્રીજા T20 મુકાબલામાં ભારતે પહેલી ઈનિંગમાં પહાડ જેવડો સ્કોર બનાવ્યો છે.
ટોસ જીતીને પહેલા બેટિંગ કરતા ભારત માટે સંજુ સેમસન-તિલક વર્માએ ધમાલ મચાવી દીધી. આ બન્નેએ ધમાકેદાર સદી સાથે સ્કોરને 283 રને પહોંચાડ્યો છે.
ટોસ જીતીને પ્રથમ બેટિંગ કર્યા બાદ ભારતીય ટીમ તરફથી ઓપનર સંજુ સેમસન અને અભિષેક શર્માએ ધમાકેદાર બેટિંગ કરી. બંનેએ મળીને 73 રનની ભાગીદારી કરી. અભિષેક શર્મા ઝડપી બેટિંગ કરી રહ્યો હતો પરંતુ તે 18 બોલમાં 36 રન બનાવીને આઉટ થઈ ગયો.
આ પછી તિલક વર્માએ બેટથી આતંક મચાવ્યો. બીજી તરફ સંજુ સેમસન પહેલાથી જ શાનદાર બેટિંગ કરી રહ્યો હતો અને તેણે 28 બોલમાં પોતાની ફિફ્ટી પૂરી કરી. તિલક વર્માએ તોફાન સર્જ્યું અને 22 બોલમાં પોતાની અડધી સદી પૂરી કરી.
ભારતીય ટીમનો સ્કોર 10 ઓવરમાં 129 રન હતો અને તે 16 ઓવરમાં વધીને 230 રન થઈ ગયો. સંજુ સેમસન અને તિલક વર્માએ મળીને સિક્સરનો વરસાદ કર્યો. આ દરમિયાન કોએત્ઝીના બોલ પર બે વખત તિલક વર્માનો કેચ ડ્રોપ થયા.
સેમસને આ શ્રેણીમાં તેની બીજી સદી અને કારકિર્દીની ત્રીજી સદી પૂરી ફટકારી. તેણે 51 બોલમાં સદી પુરી કરી. બીજી તરફ તિલક વર્માએ 41 બોલમાં સદી ફટકારી, આ તેની સતત બીજી સદી છે. ગત મેચમાં પણ તેણે સદી ફટકારી હતી.
Click it and Unblock the Notifications
Sign in with Google
