IPL 2023: નરેન્દ્ર મોદી સ્ટેડિયમમાં ગૂંજશે અરિજીત સિંહના સૂર, રશ્મિકા મંદાના-તમન્ના ભાટિયા બતાવશે જલવો
IPL 2023: ઈન્ડિયન પ્રીમિયર લીગ(આઈપીએલ)ની 16મી સિઝનની પહેલી મેચ આજે અમદાવાદના નરેન્દ્ર મોદી સ્ટેડિયમમાં ચેન્નઈ સુપર કિંગ્સ અને ગુજરાત ટાઈટન્સ વચ્ચે રમાશે. મેચ શરુ થતા પહેલા ઓપનિંગ સેરેમની યોજાશે. જેમાં બૉલિવુડના ઘણા સેલેબ્સ પર્ફોર્મન્સ આપશે. અરિજીત સિંહના સૂર સ્ટેડિયમમાં ગૂંજશે. વળી, રશ્મિકા મંદાના અને તમન્ના ભાટિયા પણ પોતાના પર્ફોર્મન્સથી આજની સાંજ રંગીન બનાવી દેશે. આ ઉપરાંત કેટરીના કૈફ અને ટાઈગર શ્રોફ પણ સ્ટેજ પર પર્ફોર્મ કરશે.
આઈપીએલમાં આ સેલેબ્સ કરશે પર્ફોર્મ
તમને જણાવી દઈએ કે IPLના ઓફિશિયલ ઈન્સ્ટાગ્રામ અકાઉન્ટ પર તમન્ના ભાટિયા અને રશ્મિકા મંદાનાનો એક વીડિયો શેર કરવામાં આવ્યો છે. આ વીડિયોમાં તમન્ના ભાટિયા સ્ટેજ પર રિહર્સલ કરતી જોવા મળી રહી છે. આ સાથે તે લોકોને પોતાનો અનુભવ અને ઉત્સાહ પણ જણાવતી જોવા મળે છે. વીડિયોમાં રશ્મિકા મંદાના પણ ખૂબ ખુશ જોવા મળી રહી છે. વીડિયોમાં બંનેએ કહ્યુ કે એમએસ ધોની અને વિરાટ કોહલી તેમના ફેવરિટ ક્રિકેટર છે. બંનેનો આ વીડિયો સોશિયલ મીડિયા પર ઝડપથી વાયરલ થઈ રહ્યો છે. જુઓ વીડિયો-
ડાંસનો વીડિયો થઈ રહ્યો છે વાયરલ
મળતી માહિતી મુજબ, IPLની પ્રથમ મેચ આજે સાંજે 7.30 વાગ્યાથી શરૂ થશે, પરંતુ તે પહેલા અમદાવાદના નરેન્દ્ર મોદી સ્ટેડિયમમાં સાંજે 6 વાગ્યાથી ઓપનિંગ સેરેમની યોજાશે.
2018માં થઈ હતી ઓપનિંગ સેરેમની
તમને જણાવી દઈએ કે વર્ષ 2018માં છેલ્લી વખત IPLની ઓપનિંગ સેરેમની યોજાઈ હતી. આ પછી, 2019માં પુલવામા હુમલામાં શહીદ થયેલા જવાનોની યાદમાં ઉદ્ઘાટન સમારોહ રદ કરવામાં આવ્યો હતો. તે પછી, વર્ષ 2020માં, વિશ્વભરમાં કોરોના સંક્રમણને કારણે IPL પોતે જ રદ કરવામાં આવી હતી. હવે 4 વર્ષ બાદ ફરી એકવાર IPLની ભવ્ય ઓપનિંગ સેરેમનીનું આયોજન કરવામાં આવ્યું છે.
Click it and Unblock the Notifications
Sign in with Google
