IPL 2023 GT vs RR: રાશિદ ખાનની 3 વિકેટ, ગુજરાતને મળ્યુ 119 રનનુ લક્ષ્ય

IPL 2023 ની 48મી મેચ ગુજરાત ટાઇટન્સ અને રાજસ્થાન રોયલ્સ વચ્ચે રમાઈ રહી છે. પ્રથમ બેટિંગ કરતા રાજસ્થાન રોયલ્સ 17.5 ઓવરમાં 118 રન બનાવી ઓલ આઉટ થયુ હતુ. હવે ગુજરાતને જીતવા માટે 118 રન બનાવવાના રહેશે.

રાજસ્થાનનો ઉભરતો સિતારો યસસ્વિ જયસ્વાલ માત્ર 14 રન બનાવીને આઉટ થઇ ગયો હતો. આ ઉપરાંત કેપ્ટન સંજુ સેમસને 20 બોલમાં 30 રન બનાવ્યા હતા. જે બાદ રાજસ્થાનના બેટ્સમેનો ગુજરાતના બોલરો સામે સ્ટ્રગલ કરતા જોવા મળ્યા હતા.

ગુજરાતના બોલરોએ ખતરનાક બોલિંગ કરી હતી. રાશિદ ખાનને 3 વિકેટ મળી હતી. આ ઉપરાંત નૂર અહેમદને પણ 2 વિકેટ મળી હતી. મોહમ્મદ શમી, હાર્દિક પંડ્યા અને જોશુઆ લિટલને 1-1-1 વિકેટ મળી હતી.

બંને ટીમો પાસે સ્ટાર ખેલાડીઓની ફોજ છે. હાર્દિક પંડ્યાની આગેવાની હેઠળની ગુજરાત ટાઇટન્સે રાજસ્થાન રોયલ્સને હરાવીને ગત સિઝનમાં તેમનું પ્રથમ IPL ટાઇટલ જીત્યું હતું.

IPLમાં અત્યાર સુધીમાં ગુજરાત ટાઇટન્સ અને રાજસ્થાન રોયલ્સ વચ્ચે 4 મેચ રમાઈ છે જેમાંથી ગુજરાત ટાઇટન્સ 3 મેચ જીતી છે. તે જ સમયે, એક મેચ રાજસ્થાન રોયલ્સના પક્ષમાં ગઈ છે. બંને ટીમોએ એક-એક વખત IPL ટ્રોફી જીતી છે. ગુજરાત ટાઇટન્સે વર્ષ 2022માં અને રાજસ્થાને વર્ષ 2008માં શેન વોર્નની કેપ્ટન્સીમાં IPLનો ખિતાબ જીત્યો હતો.

IPL 2023 માં, ગુજરાત ટાઇટન્સ ટીમે 9 માંથી 6 મેચ જીતી છે અને 12 પોઈન્ટ સાથે, ટીમ પોઈન્ટ ટેબલમાં પ્રથમ સ્થાને છે. તે જ સમયે, રાજસ્થાન રોયલ્સે 9માંથી 5 મેચ જીતી છે અને ટીમ 10 પોઈન્ટ સાથે પોઈન્ટ ટેબલમાં ચોથા નંબર પર છે.

English summary

IPL 2023 GT vs RR: 3 wickets from Rashid Khan, Gujarat get a target of 119 runs