IPL 2024, GT vs PBKS : ગુજરાતના હાથમાંથી છીનવી જીત, જાણો કોણ છે શશાંક સિંઘ?
IPL 2024, GT vs PBKS : વર્તમાન સમયમાં ચાલી રહેલી ઈન્ડિયન પ્રીમિયર લીગમાં ગુરુવારના રોજ પંજાબ કિંગ્સનો રોમાંચક મેચમાં 3 વિકેટે પરાજય થયો હતો. એક સમયે, અનુભવી અને સ્ટાર ખેલાડીઓ આઉટ થયા બાદ પંજાબ મેચ હારી રહ્યું હોય, તેવું લાગતું હતું.
જે બાદ છઠ્ઠા નંબરે રમવા આવેલા અનકેપ્ડ શશાંક સિંઘે તેની ઝંઝાવાતી ઇનિંગની અડધી સદી ફટકારીને મેચમાં જીત અપાવી હતી. આ મેચમાં શશાંક સિંઘે અણનમ 29 બોલમાં 61 રન બનાવ્યા હતા, જેમાં 6 ચોગ્ગા, 4 છગ્ગાનો સમાવેશ થાય છે.
પંજાબે 111 રનના સ્કોર પર પાંચમી વિકેટ ગુમાવી દીધી હતી, ત્યારે શશાંક રમવા મેદાનમાં આવ્યો હતો. જે બાદ મોટાભાગના લોકોએ ગુજરાતની જીતને ઔપચારિક તરીકે સ્વીકારી લીધી હતી, પરંતુ શશાંકે તેના ઉગ્ર વલણથી સમગ્ર મેચ બદલી નાખી, પછી તેને આઠમા નંબરના બેટ્સમેન આશુતોષ શર્મા (31 રન, 17 બોલ, 3 ચોગ્ગા, 1 છગ્ગા) નો પણ સારો સાથ મળ્યો હતો. એકંદરે, આ યાદગાર ઇનિંગ સાથે, 32 વર્ષનો શશાંક સિંહ ચોક્કસપણે ચાહકોના દિલમાં વસી ગયો હતો.
છત્તીસગઢ તરફથી રમે છે શશાંક - પોતાના 33માં વર્ષમાં ચાલી રહેલા શશાંકે એવી ઇનિંગ રમી કે, જેને ફેન્સ ક્યારેય ભૂલી શકશે નહીં. બેટિંગ-ઓલરાઉન્ડર શશાંક ઘરેલું ક્રિકેટમાં છત્તીસગઢ માટે રમે છે. અત્યાર સુધી શશાંકે 21 ફર્સ્ટ ક્લાસ મેચોમાં 31.77ની એવરેજથી 1 સદી અને 6 અર્ધસદી સાથે 858 રન બનાવ્યા છે.
લિસ્ટ A મેચોમાં સરેરાશ શાનદાર છે - લિસ્ટ A (ડોમેસ્ટિક નેશનલ 50 ઓવરની મેચો)માં શશાંકનું પ્રદર્શન ઘણું સારું છે. તેણે છત્તીસગઢ માટે 20 મેચ રમી છે, અને 27 ઇનિંગ્સમાં 2 સદી અને ત્રણ અર્ધસદી અને 41.08ની એવરેજ સાથે 968 રન બનાવ્યા છે.
T20માં સામાન્ય પ્રદર્શન - નેશનલ ટી20 સૈયદ મુશ્તાક અલી ટ્રોફી ટૂર્નામેન્ટમાં શશાંકનું પ્રદર્શન બહુ અસરકારક રહ્યું નથી. રમાયેલી 58 મેચોમાં શશાંકની એવરેજ માત્ર 20.37 હતી. તેનો દર પણ 137.34 સ્ટ્રાઇક રેટ પણ રહ્યો છે. તેના બેટમાંથી પાંચ અડધી સદી આવી, પરંતુ તેમ છતાં બેટ્સમેન કામ કરતો રહ્યો અને રમવાની ભૂખ બતાવતો રહ્યો. તેનું પરિણામ એ આવ્યું કે, ગુરુવારે રાત્રે શશાંકે ગુજરાત સામે જે કર્યું તે તેને લોકોની નજરમાં લાવી દીધો હતો.
Click it and Unblock the Notifications
Sign in with Google
