IPL 2024 : આ છે આઈપીએલમાં સૌથી વધુ મેચ હારનારા કેપ્ટન, સૌથી સફળ કેપ્ટનનું નામ સૌથી ઉપર

આઈપીએલ 2024 ની ધમાકેદાર શરૂઆત થઈ ગઈ છે. આઈપીએલની આ સિઝનમાં ઘણા રેકોર્ડ બની અને તુટી રહ્યાં છે. આજે આપણે આવા જ એક રેકોર્ડ વિશે વાત કરવાના છીએ.

આમ તો મહેન્દ્ર સિંહ ધોનીની ગણતરી આઈપીએલ ઈતિહાસના સૌથી સફળ કેપ્ટનોમાં થાય છે. જો તે તેમના નામે સૌથી વધુ મેચ હારવાનો પણ રેકોર્ડ છે.

એમએસ ધોની
IPL ઈતિહાસમાં સૌથી વધુ મેચ હારનારા કેપ્ટનોની યાદીમાં મહેન્દ્ર સિંહ ધોની ટોચ પર છે. અત્યાર સુધી મહેન્દ્ર સિંહ ધોની IPLમાં કેપ્ટન તરીકે સૌથી વધુ 91 મેચ હારી ચૂક્યો છે.

વિરાટ કોહલી
આ યાદીમાં રોયલ ચેલેન્જર્સ બેંગ્લોરના પૂર્વ કેપ્ટન વિરાટ કોહલી બીજા સ્થાને છે. વિરાટ કોહલીની કેપ્ટન્સીમાં રોયલ ચેલેન્જર્સ બેંગ્લોર 70 મેચ હારી છે.

રોહિત શર્મા
રોહિત શર્માની કેપ્ટન્સીમાં મુંબઈ ઈન્ડિયન્સે રેકોર્ડ 5 વખત આઈપીએલ ટાઈટલ જીત્યું છે પરંતુ કેપ્ટન તરીકે સૌથી વધુ મેચ હારનારા કેપ્ટનોની યાદીમાં રોહિત શર્મા ત્રીજા સ્થાને છે. રોહિત શર્માની કેપ્ટન્સીમાં મુંબઈ ઈન્ડિયન્સને 67 મેચમાં હારનો સામનો કરવો પડ્યો છે.

ગૌતમ ગંભીર
આઈપીએલના ઈતિહાસમાં સૌથી વધુ મેચ હારનારા કેપ્ટનોની યાદીમાં ગૌતમ ગંભીર ચોથા સ્થાને છે. ગૌતમ ગંભીર કેપ્ટન તરીકે 47 મેચ હાર્યો છે.

ડેવિડ વોર્નર
ડેવિડ વોર્નર આ યાદીમાં પાંચમા નંબર પર છે. IPL મેચોમાં ડેવિડ વોર્નરને કેપ્ટન તરીકે 41 મેચમાં હારનો સામનો કરવો પડ્યો છે.

English summary

IPL 2024: Here are the captains who have lost most matches in IPL