IPL Auction 2025: જૂહી ચાવલાની દીકરીના સ્ટાઈલિશ લુકે લૂટી લાઈમલાઈટ, યૂઝર્સે પૂછ્યુ, કોણ છે આ ક્યૂટી ?

IPL 2025: સાઉદી અરેબિયાના જેદ્દાહમાં IPL 2025ની હરાજીમાં આશ્ચર્યજનક વળાંક જોવા મળ્યો, જ્યારે અભિનેત્રી અને કોલકાતા નાઈટ રાઈડર્સ (KKR) ના સહ-માલિક જૂહી ચાવલાની પુત્રી જ્હાનવી મહેતાએ ટીમનું પ્રતિનિધિત્વ કર્યું. સફેદ ટી-શર્ટ અને ઘેરા વાદળી વેલ્વેટ જેકેટમાં જ્હાન્વીની સ્ટાઇલિશ હાજરીએ ઇન્ટરનેટ પર ઘણા લોકોનું ધ્યાન ખેંચ્યું હતું.

kkrની પ્રતિનિધત્વ કરતી જોવા મળી જ્હાન્વી

કેકેઆરના વરિષ્ઠ સભ્યો સાથે જ્હાન્વીનો ચટાકેદાર દેખાવ ચાહકો અને નેટીઝન્સમાં આકર્ષણનું કેન્દ્ર બન્યો હતો. જોકે ચાહકો શરૂઆતમાં અપેક્ષા રાખતા હતા કે શાહરૂખ ખાનના બાળકો સુહાના અથવા આર્યન ખાન KKRનું પ્રતિનિધિત્વ કરશે, જો કે, જ્હાન્વીની હાજરીએ ઘણાને આશ્ચર્યચકિત કર્યા.

યૂઝર્સ ઓળખ પૂછવા લાગ્યા

સોશિયલ મીડિયા પર ટૂંક સમયમાં જ ઉત્સુકતા અને પ્રશંસાની લહેર હતી, કારણ કે યૂઝર્સઓએ તેની ઓળખ વિશે અનુમાન કરવાનું શરૂ કર્યું હતું. સોશિયલ મીડિયા પ્લેટફોર્મ પર જ્હાન્વી મહેતાની ઓળખને લઈને પ્રશ્નોનો પૂર જોવા મળ્યુ હતુ.

સોશિયલ મીડિયા પર કમેન્ટ્સ

એક યુઝરે ટ્વિટર પર ટિપ્પણી કરી, "તે દરમિયાન દિગ્ગજો જ્હાન્વી મહેતા પર ધ્યાન કેન્દ્રિત કરી રહ્યા છે," જ્યારે બીજાએ તેની તસવીર શેર કરી અને પૂછ્યું, "તે કોણ છે? તેનું નામ શું છે? IPL ઓક્શન 2025." એક પ્રશંસકે કહ્યું, "જ્હાન્વી મહેતા ખૂબ જ સુંદર છે."

ન્યૂયોર્કમાં કર્યો છે અભ્યાસ

જુહી ચાવલાએ 1995માં ઉદ્યોગપતિ જય મહેતા સાથે લગ્ન કર્યા હતા. તેમને બે બાળકો છે: જ્હાન્વી અને અર્જુન મહેતા. જ્હાન્વી સામાન્ય રીતે લો પ્રોફાઇલ જાળવવાનું પસંદ કરે છે અને તે અગાઉ યુકેના સરેમાં ચાર્ટરહાઉસમાં અભ્યાસ કરતી હતી. જ્હાન્વી ન્યૂયોર્કની કોલંબિયા યુનિવર્સિટીમાંથી ગ્રેજ્યુએટ છે. હરાજીમાં તેની અણધારી હાજરીએ હવે લોકોને ચોંકાવી દીધા.

IPLમાં રેકોર્ડબ્રેક હરાજી
હરાજીમાં રિષભ પંત IPL ઈતિહાસનો સૌથી મોંઘો ખેલાડી બની ગયો છે. તેને લખનૌ સુપર જાયન્ટ્સે $3.2 મિલિયનમાં ખરીદ્યો હતો, જેણે શ્રેયસ ઐયરનો પંજાબ કિંગ્સ સાથે $3.18 મિલિયનનો અગાઉનો રેકોર્ડ તોડ્યો હતો. IPL સિઝન 14 માર્ચ, 2025થી શરૂ થશે ત્યારે બંને ખેલાડીઓ પોતાની ટીમનું નેતૃત્વ કરશે.

દિલ્હી કેપિટલ્સ સાથે કે.એલ.રાહુલ
દિલ્હી કેપિટલ્સે લખનૌ સુપર જાયન્ટ્સના ભૂતપૂર્વ કેપ્ટન કેએલ રાહુલને $1.67 મિલિયનમાં ખરીદ્યો હતો. બીજો સોદો વેંકટેશ અય્યરનો હતો, જેઓ રોયલ ચેલેન્જર્સ બેંગ્લોર સામે સખત બિડ બાદ $2.83 મિલિયનમાં KKR સાથે જોડાયા હતા. આઈપીએલની આ હરાજીમાં માત્ર ખેલાડીઓની બોલી જ નહીં પરંતુ જ્હાન્વી મહેતા જેવા નવા ચહેરા પણ લાઇમલાઇટમાં આવ્યા.