KKR vs SRH: ઈડન ગાર્ડન્સની પિચ પર બેટર્સની મોજ કે બોલર્સનો ખૌફ? જાણો વેધર રિપોર્ટ
KKR vs SRH: IPL 2026નો છઠ્ઠો મુકાબલો આજે ક્રિકેટના 'મક્કા' ગણાતા ઈડન ગાર્ડન્સમાં રમાશે. અજિંક્ય રહાણેની કેપ્ટનશીપ હેઠળની કોલકાતા નાઈટ રાઈડર્સ (KKR) પોતાના ઘરઆંગણે સનરાઈઝર્સ હૈદરાબાદ (SRH) ને પડકાર આપવા તૈયાર છે. બંને ટીમો પોતાની છેલ્લી મેચ હારી ચુકી છે, તેથી જીતના પાટા પર પરત ફરવા માટે KKR માટે આ 'હોમ રન' અત્યંત મહત્વનો છે.
મેચ નિર્ધારિત સમય મુજબ સાંજે 7:30 વાગ્યે શરૂ થશે. ટોસ માટે બંને કેપ્ટન 30 મિનિટ પહેલા એટલે કે 7:00 વાગ્યે મેદાન પર આવશે. ઈડન ગાર્ડન્સની પિચ પરંપરાગત રીતે T20 માં રનના વરસાદ માટે જાણીતી છે.
KKR vs SRH Pitch Report: ઈડન ગાર્ડન્સની પિચ રિપોર્ટ
ઈડન ગાર્ડન્સની પિચ પર સારો ઉછાળો અને કેરી મળે છે, જેનાથી બોલ બેટ પર યોગ્ય રીતે આવે છે. જોકે, આ વર્ષના તાજા આંકડા જોઈએ તો પિચ થોડી 'ડ્રાય' દેખાઈ રહી છે. તેનો અર્થ એ છે કે પ્રથમ ઇનિંગમાં તો રનનો વરસાદ થશે, પરંતુ બીજી ઇનિંગમાં સ્પિનરો મેચનો વળાંક બદલી શકે છે. તાજેતરમાં અહીં દક્ષિણ આફ્રિકા અને ન્યુઝીલેન્ડ વચ્ચે રમાયેલી મેચમાં 169 રનનો ટાર્ગેટ માત્ર 13 ઓવરમાં જ હાંસલ કરી લેવામાં આવ્યો હતો, જે દર્શાવે છે કે નાની બાઉન્ડ્રી હોવાથી બોલરો માટે અહીં કોઈ ખાસ જગ્યા નથી.
KKR vs SRH Weather Report: શું વરસાદ વિઘ્ન નાખશે?
કોલકાતાના ફેન્સ માટે સારા સમાચાર છે. ગુરુવારની સાંજે હવામાન સંપૂર્ણપણે સાફ રહેવાનું અનુમાન છે. તાપમાન 26 ડિગ્રી સેલ્સિયસ ની આસપાસ રહેશે. જોકે, 80% હ્યુમિડિટી (ભેજ) ખેલાડીઓ માટે પડકારરૂપ બની શકે છે, પરંતુ વરસાદની કોઈ શક્યતા નથી. પ્રેક્ષકોને પૂરેપૂરી 40 ઓવરનો રોમાંચ જોવા મળશે.
KKR માટે સૌથી મોટી ચિંતા શું છે?
કોલકાતા માટે સૌથી મોટી ચિંતા તેમની બોલિંગની ઊંડાઈ છે. હર્ષિત રાણા અને આકાશ દીપ ઈજાના કારણે બહાર છે, જ્યારે મથીશા પથિરાનાને હજુ સુધી NOC મળી નથી. 25.2 કરોડના ખેલાડી કેમેરોન ગ્રીન માત્ર બેટ્સમેન તરીકે રમી રહ્યા છે. બીજી બાજુ, સનરાઈઝર્સ હૈદરાબાદ પાસે હેનરિક ક્લાસેન જેવો 'સ્પિન કિલર' છે, જેનો વરુણ ચક્રવર્તી અને સુનીલ નરેન સામે સ્ટ્રાઈક રેટ શાનદાર છે.
KKR vs SRH Head to head: હેડ ટુ હેડ રેકોર્ડ
આમને-સામને આંકડાની વાત કરીએ તો KKRનું પલ્લું ભારે છે. SRH સામે KKRનો રેકોર્ડ 20-10 નો છે. ઈડનમાં પણ કોલકાતાએ હૈદરાબાદ સામે 11 માંથી 8 મેચ જીતી છે.
બંને ટીમોની સંભવિત પ્લેઈંગ-11
KKR: અજિંક્ય રહાણે (કેપ્ટન), ફિન એલન, કેમેરોન ગ્રીન, અંગકૃષ રઘુવંશી (વિકેટકીપર), રિંકુ સિંહ, રમનદીપ સિંહ, અનુકૂલ રોય, સુનીલ નરેન, વરુણ ચક્રવર્તી, વૈભવ અરોરા, બ્લેસિંગ મુઝરબાની, કાર્તિક ત્યાગી.
SRH: ટ્રેવિસ હેડ, અભિષેક શર્મા, ઈશાન કિશન (કેપ્ટન/વિકેટકીપર), નીતિશ કુમાર રેડ્ડી, હેનરિક ક્લાસેન, સલિલ અરોરા, અનિકેત વર્મા, હર્ષ દુબે, હર્ષલ પટેલ, ડેવિડ પેન/જીશાન અંસારી, જયદેવ ઉનડકટ, ઈશાન મલિંગા.
Click it and Unblock the Notifications
Sign in with Google
