Mohammed Shami : જલ્દી મેદાન પર જોવા મળી શકે છે મોહમ્મદ શમી, જાણો કેવી છે રિકવરી?
Mohammed Shami : વન ડે વર્લ્ડ કપમાં તખરાટ મચાવનાર મોહમ્મદ શમી ઈજાના કારણે લાંબા સમયથી મેદાન બહાર છે. જો કે અહેવાલ છે કે શમી જલ્દી મેદાન પર જોવા મળી શકે છે.
અહેવાલો અનુસાર, ઈજાને કારણે ODI વર્લ્ડ કપ 2023 બાદથી ક્રિકેટના મેદાનથી દૂર રહેલો મોહમ્મદ શમી આખરે મેદાનમાં પાછો ફરવા તૈયાર છે.
શમી ક્રિકેટમાં પુનરાગમન કરવા માટે નેટ્સમાં ઘણો પરસેવો પાડી રહ્યોં છે. ભારતના સ્ટાર ફાસ્ટ બોલરે મંગળવારે સોશિયલ મીડિયા પર તેની રિકવરી પ્રક્રિયા વિશે માહિતી આપી છે.
લાંબા સમયથી રિકવરી કરી રહેલા ઝડપી બોલર મોહમ્મદ શમીને મેદાન પર જોઈને ચાહકો ખૂબ જ ખુશ છે. 33 વર્ષીય ફાસ્ટ બોલર ઑસ્ટ્રેલિયા સામેની હોમ સિરીઝ ચૂકી ગયો હતો, જેના પછી તે IPL 2024 અને ICC T20 વર્લ્ડ કપમાંથી બહાર થઈ ગયો હતો. હાલ શમી સ્પર્ધાત્મક ક્રિકેટમાં પાછા ફરવાની તૈયારી કરી રહ્યો છે.
મંગળવારે શમીએ ઇન્સ્ટાગ્રામ પર નેટ્સમાં પ્રેક્ટિસ કરતો એક વીડિયો શેર કર્યો. તેને ટ્રેનિંગ નેટ પર કેટલાક બોલ ફેંક્યા. જો કે, તેણે હજુ સુધી પૂરી તાકાતથી બોલિંગ શરૂ કરી નથી.
શમીએ છેલ્લે ગયા વર્ષે વન-ડે ઈન્ટરનેશનલ વર્લ્ડ કપમાં મહત્વની ભૂમિકા ભજવી હતી. શમી સાત મેચમાં 10.70ની એવરેજથી 24 વિકેટ લીધી હતી. તેના પગની ઘૂંટીની સારવાર માટે ઇન્જેક્શન લેતા શમીને ભારત દ્વારા આયોજિત ICC ઇવેન્ટ દરમિયાન ઈજા થઈ હતી.
શમી પગની ઘૂંટીના દુખાવાને કારણે દક્ષિણ આફ્રિકા શ્રેણી માટેની ભારતીય ટીમમાંથી પણ ખસી ગયો હતો. શમીએ ઘણી શ્રેણીઓ અને માર્કી ટૂર્નામેન્ટો ગુમાવી હોવાથી ટીમ ઈન્ડિયાએ 2024 સીઝન માટે ફાસ્ટ બોલર મુકેશ કુમાર અને આકાશ દીપને કૅપ્સ સોંપી છે. અહેવાલો અનુસાર, શમી સપ્ટેમ્બરમાં બાંગ્લાદેશ સામેની ટેસ્ટ શ્રેણી દરમિયાન વાપસી કરી શકે છે.
Click it and Unblock the Notifications
Sign in with Google
