PKBS vs DC : સૈમ કરનની અડધી સદી સાથે પંજાબની જીત સાથે શરૂઆત
પંજાબ અને દિલ્હી વચ્ચેના આઈપીએલના બીજા મુકાબલામાં પંજાબે પહેલી જીત સાથે આઈપીએલની શરૂઆત કરી છે.
દિલ્હી કેપિટલ્સ સામે રમાયેલી મેચમાં પંજાબ કિંગ્સે 4 વિકેટે મેચ જીતી છે. 175 રનનો પીછો કરવા ઉતરેલી પંજાબ કિંગ્સની ટીમે છ વિકેટ ગુમાવીને આસાનીથી જીત મેળવી લીધી.
ઇશાંત શર્માએ ઇનિંગની ચોથી ઓવરના પ્રથમ બોલ પર શિખર ધવનને ક્લીન બોલિંગ કરીને દિલ્હીને પ્રથમ સફળતા અપાવી. કેપ્ટન શિખર ધવન 16 બોલમાં ચાર ચોગ્ગાની મદદથી 22 રન બનાવીને પેવેલિયન પરત ફર્યો.
ધવન બાદ જોની બેયરસ્ટો પણ આઉટ થઈ ગયો. નોન-સ્ટ્રાઈકર છેડે ઊભેલો બેયરસ્ટો રન આઉટ થઈને પેવેલિયન પરત ફર્યો. બોલ ઈશાંતની આંગળીઓને અડીને નોન-સ્ટ્રાઈકરના છેડે વિકેટ સાથે અથડાતા બેયરસ્ટોએ વિકેટ ગુમાવી.
કુલદીપ યાદવે પ્રભસિમરન સિંહને વોર્નરના હાથે કેચ કરાવ્યો. તે 17 બોલમાં પાંચ ચોગ્ગાની મદદથી 26 રન બનાવીને પેવેલિયન પરત ફર્યો. સેમ કુરન એક છેડે ઉભો રહ્યો અને ટીમ માટે અડધી સદી ફટકારવામાં સફળ રહ્યો. વિકેટકીપર રિષભ પંતે શાનદાર કીપિંગ કર્યું અને જીતેશ શર્માને સ્ટમ્પ કર્યો.
ટોસ હારીને પ્રથમ બેટિંગ કરતા દિલ્હી કેપિટલ્સે 20 ઓવરમાં 9 વિકેટ ગુમાવીને 174 રન બનાવ્યા હતા. દિલ્હી તરફથી અભિષેક પોરેલે હર્ષલ પટેલની 20મી ઓવરમાં 25 રન બનાવ્યા.
અભિષેક પોરેલે 10 બોલમાં ચાર ચોગ્ગા અને બે છગ્ગાની મદદથી અણનમ 32 રન બનાવ્યા. અભિષેક પોરેલની જોરદાર બેટિંગના કારણે દિલ્હીની ટીમ 20 ઓવરમાં સન્માનજનક સ્કોર સુધી પહોંચવામાં સફળ રહી હતી.
Click it and Unblock the Notifications
Sign in with Google
