વિરાટ કોહલીની હોટલ રૂમમાં થઇ ઘુંસપેઠ, વીડિયો કરાયો વાયરલ, અનુષ્કા શર્મા થઇ ગુસ્સે

ભારતીય ટીમના પૂર્વ કેપ્ટન વિરાટ કોહલીના હોટલના રૂમનો એક વીડિયો સામે આવ્યો છે. વિરાટ કોહલી જ્યારે મેદાન પર મેચ રમી રહ્યો હતો ત્યારે કોઈએ તેના રૂમમાં જઈને વીડિયો બનાવ્યો હતો. જે બાદ તેને સોશિયલ મીડિયા પર શેર કર્યો હતો. રૂમનો વીડિયો સામે આવ્યા બાદ કોહલી પોતાનો ગુસ્સો કંટ્રોલ કરી શક્યો નહીં અને સોશિયલ મીડિયા દ્વારા પોતાની નારાજગી વ્યક્ત કરી.

હોટલના રૂમનો વીડિયો લીક થયો

કોહલીએ ઈન્સ્ટાગ્રામ પર હોટલના રૂમનો વીડિયો લીક થવા પર નારાજગી વ્યક્ત કરી છે. આ સાથે તેણે ચાહકોને પણ અપીલ કરી છે કે કોઇ આવું કામ ન કરે. કોહલીએ લખ્યું છે કે સેલિબ્રિટી અને ખેલૈયાઓને માત્ર મનોરંજનનું સાધન ન ગણવું જોઈએ. જ્યારે તેની પત્ની અનુષ્કા શર્માને કોહલી સાથેની આ ઘટનાની જાણ થઈ તો તે પણ પોતાનો ગુસ્સો રોકી શકી નહીં.

કોહલીએ કહ્યું- હુ હેરાન છુ

કોહલીએ વીડિયોની સાથે લાંબું કેપ્શન લખીને ચાહકો સાથે પોતાની વાત શેર કરી હતી. કોહલીએ લખ્યું કે હું સમજું છું કે ચાહકો તેમના મનપસંદ ક્રિકેટરો અને ખેલાડીઓને મળવા માટે ખૂબ જ ઉત્સાહિત છે. મેં હંમેશા તેમની લાગણીઓનું સન્માન કર્યું છે. પરંતુ મારી ગોપનીયતામાં દખલ કરવી યોગ્ય નથી. હું આ કૃત્યથી ખૂબ જ પરેશાન છું. ખેલાડીઓની ગોપનીયતાનું સન્માન કરવું જોઈએ. તેમને માત્ર મનોરંજનની વસ્તુઓ તરીકે ગણવામાં આવવી જોઈએ નહીં.

View this post on Instagram

A post shared by Virat Kohli (@virat.kohli)

અનુષ્કા પણ થઇ ગુસ્સે

કોહલી સાથેની આ ઘટનાનો ઉલ્લેખ તેની પત્ની અનુષ્કા શર્માએ તેની ઈન્સ્ટા સ્ટોરીમાં કર્યો હતો. તેણે ચાહકોના આ પગલા પર ગુસ્સો વ્યક્ત કર્યો છે. તે જ સમયે, અનુષ્કા સિવાય, ભાઈ વિકાસ કોહલીએ પણ તેના પર પ્રતિક્રિયા આપી અને હોટેલની વ્યવસ્થા પર સવાલો ઉઠાવ્યા. પર્થની હોટલમાં વિરાટ કોહલી સાથે આ પ્રકારનું વર્તન સહન કરવામાં આવશે નહીં. ઘણા લોકો હોટેલની વ્યવસ્થા પર સવાલ ઉઠાવી રહ્યા છે. હોટલ તરફથી કોઈ નિવેદન આવ્યું નથી.

English summary

Someone Broke Into Virat Kohli's hotel room, Anushka Sharma got angry